Франция тараққиёт агентлиги иштирокида Шаҳрисабз ва Китобда канализация тизимлари реконструкция қилинади

Вазирлар Маҳкамасининг “Франция тараққиёт агентлиги иштирокида “Шаҳрисабз ва Китоб шаҳарларида канализация тизимларини реконструкция қилиш ва кенгайтириш” лойиҳасини амалга ошириш чора-тадбирлари тўғрисида”ги қарори лойиҳаси эълон қилинди.

Лойиҳа доирасида Шаҳрисабз шаҳри бўйича:

• 57,58 км канализация коллекторлари, 279,6 км ўзиоқар (самотек) оқова қувурларини қуриш;
• 14,11 км мавжуд ўзиоқар (самотек) канализация коллекторини реконструкция қилиш;
• 10 дона канализация насос станцияларини қуриш;
• 6,7 км юқори босим коллекторларини қуриш;
• 14,3 км мавжуд канализация коллекторларини ювиш ва тозалаш;
• канализация қувурларига 27 850 дона абонент уланишларини қуриш;
• қуввати 39,0 минг метр куб бўлган оқова сув тозалаш иншоотини қуриш;
• Шаҳрисабз шаҳар сув таъминоти корхонаси томонидан тизимга хизмат кўрсатиш мақсадида машина ва механизмларни харид қилиш кўзда тутилган.

Китоб шаҳри бўйича:

• ўзиоқар (самотек) 120,85 км ички оқова тармоқлари ва 22,03 км коллекторларни қуриш;
• 4 дона канализация насос станцияларини қуриш;
• 1,835 км юқори босим канализация коллекторини қуриш;
• канализация қувурларига 10 100 дона абонент уланишларини қуриш;
• қуввати 14,0 минг метр куб бўлган оқова сув тозалаш иншоотини қуриш;
• Китоб шаҳар сув таъминоти корхонаси томонидан тизимга хизмат кўрсатиш мақсадида машина ва механизмларни харид қилиш назарда тутилган.
• Лойиҳанинг умумий миқдори – 91 882,8 минг евро эквивалентда.

Лойиҳа натижасида 2045 йил лойиҳа ҳудудларидаги демографик ўсишни ҳисобга олган ҳолда Шаҳрисабз шаҳрида 14 фоиздан 86 фоизга ва Китоб шаҳрида 0 фоиздан 81 фоизгача аҳоли оқова сув тизимлари билан қамраб олиниши кўзда тутилган.