Тошкентда умумий овқатланиш шохобчасида ёнғин келиб чиқди

Пойтахтда “Evos” умумий овқатланиш шохобчасида келиб чиққан ёнғин ўз вақтида бартараф этилди. Бу ҳақда Фавқулодда вазиятлар вазирлиги хабар бермоқда.

Фото: ФВВ матбуот хизмати

Қайд этилишича, ҳодиса кеча соат 20:32да Шайхонтоҳур тумани Кичик ҳалқа йўли кўчаси 29-уйда жойлашган “Evos” умумий овқатланиш шохобчасида содир бўлган.

Маълум бўлишича, ёнғиндан шохобчанинг 10 квадрат метр майдони зарар кўрган. Ҳолат юзасидан Тошкент шаҳар Фавқулодда вазиятлар бошқармаси ёнғин-қутқарув гуруҳи воқеа жойига соат 20:32да етиб бориб, 20:46да ёнғин тўлиқ бартараф этилган.

Ёнғиндан жабрланган ва ҳалок бўлганлар йўқ. Ҳодисанинг тахминий сабаби ва зарари аниқланмоқда.

#ёнғин #Evos