Кеча, 31 март куни ижтимоий тармоқларда Қорақалпоғистоннинг Қонликўл туманида боғча тарбиячилари автомобиль йўлини тўсиб қўйгани акс этган видео тарқалди.
"Бизга Бекбергеновадай раҳбар керак эмас! Биз суд қароридан норозимиз", деб ёзилган плакатлар билан бир гуруҳ одамлар йўлни тўсиб, норозилик билдирган.
Маълум бўлишича, Бекбергенова тумандаги 1-сонли мактабгача таълим ташкилотининг раҳбари ҳисобланади. У аввалроқ ишидан бўшатилган, аммо суд қарори билан лавозимига қайта тикланган.
Kun.uz мухбири ҳолат юзасидан Қорақалпоғистон Мактабгача таълим вазирлиги билан боғланди. Вазирлик ҳолатни назоратга олганини, воқеа юзасидан жараён тўлиқ ўрганилгандан кейин батафсил маълумот берилишини маълум қилди.
