TEAM University 2021 йилда абитуриентлар ва талабаларга 51 та грантни тақдим этади

Ўзбекистондаги биринчи тадбиркорлик олий таълим муассасаси саналган TEAM University ўқишга кириш учун ҳужжатларни қабул қилишни бошлади. 2021-2022 ўқув йилида ТЕАМ University 450 нафар талабани қабул қилади ва улар орасида ўқиш харажатларининг 100 фоизигача қамраб оладиган турли хил грантлар ўйналади.

TEAM University ҳақида

Ўтган йили London South Bank University билан ҳамкорликда ташкил этилган ТЕАМ University тадбиркорлик олий таълим муассасаси ҳисобланиб, ўз стартап-ғояларини яратиш ва уларни Ўзбекистон иқтисодиётини фаол ривожлантириш учун амалга оширишга тайёр бўлган, тадбиркорларга хос фикрлайдиган олий малакали кадрларни тайёрлашни мақсад қилган.

ТЕAМ'нинг кучли томонлари:

1. Биринчи йилдан амалиёт;
2. Буюк Британиянинг таълим стандартлари;
3. Нуфузли ўқитувчилар жамоаси;
4. Муваффақиятли тадбиркорлар билан алоқа ўрнатиш;
5. Фаол ижтимоий ҳаёт.

TEAM University бу йил абитуриентлар ва талабаларга қандай молиявий имтиёзларни тақдим этади?

Умуман олганда, ТЕАМ University 2021-2022 ўқув йилида ўқишга қабул қилиниш учун ҳужжат топширадиган абитуриентлар, шунингдек университетнинг жорий талабалари учун 51 та турли таълим грантларини тақдим этади. Грантларга қўшимча равишда, ТЕАМ University ушбу ўқув йилидан бошлаб таълим чегирмалари тизимини жорий этади.

Бу йил ТЕАМ University таълим грантларининг 3 турини олиш имкониятини тақдим этади:

• Хакатон грантлари TEAM University'га 2021-2022 ўқув йилида биринчи курсга ўқишга кирадиган абитуриентлар ўртасида тақсимланади. Менторлар мураббийлиги остидаги 4 та қатнашчидан иборат жамоалар ажратилган 48 соат давомида ТЕАМ University Кампусида бизнес-ғоялари ёки маҳсулотларини нолдан бошлаб яратишади ва вақт тугаши билан Ўзбекистоннинг муваффақиятга эришган ишбилармонлари ва бизнесменларини ҳам ўз ичига олган ҳайъат аъзоларига ўз ишланмаларини тақдим этишади.

Хакатон танловида 1-ўринни эгаллаган иштирокчилар ТЕАМ University'даги ўқишнинг 50 фоизини қоплайдиган грантга, 2 ва 3-ўринлар соҳиблари эса 30 ва 20 фоизлик грантларга эга бўлишади.  Таъкидлаш лозимки, бу йил ТЕАМ University иккита Хакатон грантини ташкил этади, ҳар бир танловдан олдин эса иштирокчилар учун йўл-йўриқ брифинглари ўтказилади. Хакатон грантларида иштирок этиш шартлари билан бу ерда батафсил танишишингиз мумкин.

• Академик натижаларга асосланган грантлар ТЕАМ University талабалари ўртасида уларнинг академик натижаларига мувофиқ тақсимланади. Талабалар умумий сонининг Топ 2 фоизи 1 йил давомидаги ўқиш харажатларининг 100 фоизини қоплайдиган грантларга эга бўлади, барча талабаларнинг Топ 4 фоизи эса 1 йил давомидаги ўқиш нархининг ярмини қоплайдиган грантларни олади.
• Ҳамкор компанияларнинг грантлари университет томонидан Universalbank, Korzinka.Uz ва GroundZero каби компаниялар билан биргаликда тақдим этилади. Келгусида грантларни тақдим этадиган компаниялар рўйхати кўпаяди. Ғолиблар учун танлов мезонлари ушбу ташкилотлар томонидан белгиланади. Ғолиблар 1 йиллик ўқиш харажатларининг 20-50 фоизини қоплайдиган жами 9 та грантга эга бўлади.

Ушбу ўқув йилида TEAM University қандай чегирмаларни тақдим этади?

Ушбу ўқув йилидан бошлаб ТЕАМ University абитуриентлар ва ТЕАМ талабалари учун таълим чегирмалари тизимини жорий этди. Чегирмалар икки хил шаклда келтирилган:

1. Early Bird – абитуриентлар ва қабул қилинган талабалар учун бир йиллик ўқиш умумий нархининг 5 фоизи ва 7,5 фоизи миқдорида чегирмалар. Чегирмалар 2021 йил 30 апрелгача шартноманинг ярми ёки тўлиқ қийматини тўлаган барчага тақдим этилади.

2. 100% Advance Payment – абитуриентлар ва қабул қилинган талабалар учун бир йиллик ўқиш умумий нархининг 5 фоизи миқдорида чегирмалар. Чегирмалар 2021 йил 31 августгача шартноманинг ярми ёки тўлиқ қийматини тўлаган барчага тақдим этилади.

TEAM University'да ўқиш қанча туради?

Бир ўқув йили учун шартнома нархи 38 348 000 сўмни ташкил этади.

ТЕАМ University шартномани  бўлиб тўлашнинг манфаатли  шартларини таклиф этади. Шартномани 9 ой давомида ойма-ой тўлаш шарти билан ойлик тўлов миқдори 4 270 000 сўмни ташкил қилади.

TEAM University'га қандай қилиб ўқишга кириш мумкин?

International Foundation Course дастури бўйича биринчи курсда ўқитиш умумий ихтисослашган бўлиб, иккинчи курсдан талабалар қуйидаги учта йўналишдан бирини танлашлари мумкин:

• Тадбиркорлик ва халқаро бизнес;
• Тадбиркорлик ва рақамли инновациялар;
• Тадбиркорлик ва креатив саноатлар.

TEAM University'га ўқишга кириш учун талабгорлар қуйидаги ҳужжатларни тақдим этиш лозим:

• Камида 5.5 (Overall 5.5; Writing 5.0) балл бўлган IELTS сертификати ёки унинг эквиваленти;
• Ўрта ёки ўрта махсус таълим тўғрисида гувоҳнома;
• Паспорт нусхаси;
• www.registration.teamuni.uz сайтида тўлдирилган университет аризаси (Application Form).

Ҳужжатларни тақдим этиш жараёни онлайн режимида амалга оширилади. Шунингдек, аризанинг аппликацион шаклини маслаҳатчилар кўмагида ТЕАМ University Кампусида тўлдириш мумкин.

Ушбу ўқув йилига ҳужжатларни қабул қилиш 2021 йил 20 сентябргача давом этади. Ғайратли ва муваффақиятга интилувчан талабалар жамоасининг бир қисми бўлишга шошилинг. ТЕАМ University'га ўқишга киринг!

Ҳужжатларни TEAM University'га юбориш учун ушбу ҳавола орқали ўтинг.

Батафсил маълумот учун:

Веб-сайт: www.teamuni.uz

Telegram: t.me/TEAMuniversityuz

Instagram: @teamuni_uz

Facebook: fb.com/teamuni.uz

YouTube: youtube.com/channel/TEAM_University

Боғланиш учун: +99871-200-20-60, +99871-202-30-31

Иш вақти: душанба-жума кунлари, соат 09:00 дан 18:00 гача.

Реклама ҳуқуқи асосида