Зеленский Путин билан исталган жойда учрашишга тайёрлигини айтди

Аввалроқ Путин украиналик ҳамкасби «истаган вақтида» Москвага келиши мумкинлигини айтганди.

Фото: president.gov.ua-Офс

Украина президенти Владимир Зеленский россиялик ҳамкасби билан исталган жойда учрашишга тайёрлигини билдирди, деб ёзмоқда Financial Times.

«Бизни учрашув жойи ўйлантирмайди, гап учрашув мазмунида», — деган у.

Зеленский 20 апрел куни Путинга «Донбасснинг исталган ерида учрашиш»ни таклиф қилганди.

Орадан икки кун ўтиб, Путин украиналик ҳамкасби «истаган вақтида» Москвага келиши мумкинлигини айтди.

Украина бош вазири ўринбосари Алексей Резников Зеленский бу таклифни қабул қилмаслигини айтди, унинг сўзларига кўра, президент «пойтахтга бориб, тажовузкор мамлакат вакили билан учрашмайди».

Тайёрлаган: Дилшод Аскаров

#Владимир Путин #Володимир Зеленский

2020 йил март ойи охирида украиналик ҳарбийлар Донбассдан берилган артиллерия зарбалари қурбони бўлди. Апрель ойи бошида Россия Украина билан чегарада қўшинларини тўплай бошлади.