Фото: stroymarket.com
Давлат статистика қўмитаси маълумотларига кўра, Ўзбекистонда жорий йилнинг 3 ойида йирик корхоналар томонидан 2,2 млн тонна цемент ишлаб чиқарилган.
Қайд этилишича, ўтган йилнинг мос даврига нисбатан маҳсулот ишлаб чиқариш ҳажми 14,1 фоизга ошган.
Бу кўрсаткич:
- 2021 йилнинг январь ойида 559,3 минг тонна (ўсиш суръати 7,3 фоиз);
- 2021 йилнинг январь-февраль ойларида 1,3 млн тоннани (ўсиш суръати 18,4 фоиз) ташкил қилди.
Цемент ишлаб чиқариш корхоналари томонидан республика миқёсида ишлаб чиқарилган маҳсулотларнинг жами ҳажмида энг юқори улуш Навоий вилояти (41 фоиз), Тошкент вилояти (40,5 фоиз) ҳамда Фарғона вилояти (9,6 фоиз) ҳиссасига тўғри келди.
Бундан олдин, «Ўзқурилишматериаллари» жорий йилда 11та цемент заводи ишга туширилишини маълум қилганди.
