Фото: Наманган вилоятида сел йўлларга зарар етказди

Жорий йил 6 май куни соат 17:20ларда Наманган вилоятида сув тошқини юз берган. Бунинг оқибатида айрим йўлларда транспортлар ҳаракати чекланди.

Ички ишлар вазирлиги Йўл ҳаракати хавфсизлиги бош бошқармаси хабарига кўра, Поп тумани “Найман” ҚФЙ ҳудудидан ўтган 4Р-126 йўналишида ҳаракатланиш “Балиқчи қ. – Мингбулоқ қ. – Найман қ. – Пунгон қ” автомобил йўли (Қўқон шаҳрига олиб борувчи) орқали ташкил этилган.

"Поп – Қўшминор 2" темир йўл бекатлари оралиғининг 106-км.да темир йўл изини лой аралашмаси кўмиб ташлаганлиги туфайли темир йўлда поездлар ҳаракати чекланди.

“Барча ҳайдовчилардан оралиқ масофани сақлаб, об-ҳаво шароитини инобатга олган ҳолда ҳаракатланишни сўраймиз”, дейилади хабарда.