Аввалроқ “Иззаддин ал-Қассам бригадалари” Тел-Авив йўналишида бир неча ўнлаб ракеталарни учирганини маълум қилганди.
Фото: AFP
ҲАМАСнинг жанговар қаноти “Иззаддин ал-Қассам бригадалари” Исроилнинг Тел-Авив шаҳрига олти ой давомида зарба беришга тайёрлигини эълон қилди. Бу ҳақда Donia Al-Watan радиостанцияси хабар бермоқда.
"Биз Тел-Авивга олти ой давомида зарба беришга тайёрмиз", - дея ҳаракат вакили Абу Убайднинг сўзларидан иқтибос келтиради радиостанция.
Аввалроқ “Иззаддин ал-Қассам бригадалари” Тел-Авив йўналишида бир неча ўнлаб ракеталарни учирганини маълум қилганди. Исроилнинг Kan радиоси хабарига кўра, ракета зарбалари оқибатида бир киши ҳалок бўлган.
Ғазо сектори ва Исроил ўртасидаги ўзаро ракета отишмалари 10 майдан буён давом этмоқда. Охирги маълумотларга кўра, отишмалар натижасида Исроил томондан 10 киши, Фаластин томондан 139 киши ҳалок бўлган.
