Солиқ қўмитаси раисига янги ўринбосар тайинланди 

Давлат солиқ қўмитаси раисига янги ўринбосар тайинланди. Бу ҳақда ДСҚ ахборот хизмати хабар берди.

Ўзбекистон президент қарори билан Жаҳонгир Иброҳимович Абдиев Давлат солиқ қўмитаси раиси ўринбосари лавозимида иш бошлади.

Жаҳонгир Абдиев 1982 йил Самарқанд вилоятида туғилган. Маълумоти олий, 2004 йил Тошкент давлат иқтисодиёт университетини ташқи иқтисодий фаолият мутахассислиги бўйича тамомлаган. 

У солиқ органларидаги фаолиятини 2005 йилда Каттақўрғон шаҳар давлат солиқ инспекцияси инспектори лавозимидан бошлаган. 

Ж.Абдиев бунга қадар Давлат солиқ қўмитаси Хавфни таҳлил қилиш ва солиқ тўловчиларни сегментлаш департаменти директори лавозимида ишлаб келаётган эди. 

У солиқ хизматининг I даражали маслаҳатчиси.