Бирлашган Араб Амирликлари ҳукумати уч ёшдан 17 ёшгача бўлганларни Хитойнинг Sinopharm компанияси вакцинаси билан эмлашга рухсат берди. Бу ҳақда Emirates News Agency хабар қилди.
Қайд этилишича, клиник синовлар ва мутахассисларнинг баҳолари асосида ушбу қарор қабул қилинган.
Reuters агентлигининг ёзишича, июнда 900 нафар болада вакцинага иммун жавоб мониторинги ўтказилган.
Sinopharm вакцинаси синовида эса Абу-Дабидаги ҳукмдор оила аъзолари қатнашган.
БАА аҳолини коронавирусга қарши эмлаш бўйича энг юқори кўрсаткичга эга давлатлардан бири бўлиб, 1 август ҳолатига кўра, аҳолининг 70 фоиздан ортиғи тўлиқ эмланган.
