Навоий шаҳри ҳудудида инсон ўлими билан боғлиқ мудҳиш автоҳалокат содир бўлди. Бу ҳақда вилоят ИИБ ЙХҲБ ахборот хизмати хабар бермоқда.
Маълум қилинишича, воқеа 2021 йилнинг 13 август куни соат 17:20лар атрофида содир бўлган. Кармана туманида яшовчи, 1972 йилда туғилган фуқаро “Labo” машинасини “Навоий-Қарнаб” йўналишида бошқариб бораётиб, йўлнинг қарама-қарши йўналишига чиқиб кетган ва “Foton” юк машинаси билан тўқнашган.
Оқибатда "Labo" ҳайдовчиси воқеа жойида вафот этган. Ҳозирда ҳолат юзасидан тергов ҳаракатлари олиб борилмоқда.
Олдинроқ Нурота туманида “Nexia” машинаси ҳаракат вақтида ағдарилиб кетиши оқибатида унда йўловчи сифатида кетаётган фуқаро вафот этганди.
