Қашқадарё вилояти Шаҳрисабз туманида Damas машинаси ёниб кетган. Бу ҳақда вилоят Фавқулодда вазиятлар бошқармаси хабар бермоқда.
Маълум қилинишича, жорий йил 29 сентябрь куни соат 22:00ларда Шаҳрисабз тумани Фавқулодда вазиятлар бўлимига М39 Алмати-Тошкент-Термиз халқаро автомобиль йўлининг Шаҳрисабз тумани Хонтепа маҳалласи ҳудудидан ўтувчи 1176-километрида Damas машинаси ёнаётгани ҳақида хабар келиб тушган.
Шундан сўнг соат 22:12ларда воқеа жойига Шаҳрисабз шаҳар ФВБ 4-Ёнғин қутқарув қисмидан битта бўлинма етиб борган. Ёнғин соат 22:19ларда тўлиқ ўчирилган.
Қайд этилишича, ёнғин оқибатида, Damas машинаси тўлиқ ёниб кетган. Ҳодисада ҳеч ким жароҳат олмаган ва вафот этмаган. Ҳозирда ёнғин сабаблари ва ўрганилмоқда.
Қашқадарёда Laсetti машинасига ўрнатилган газ баллони портлаб кетди
