Фото: Сергей Юрьев / АиФ
Термиз шаҳрида ўғрилик жиноятини содир этиб қочиб юрган аёл ушланган. Бу ҳақда вилоят ИИБ ахборот хизмати хабар бермоқда.
Маълум қилинишича, 2021 йил май ойида Термиз шаҳрида Жиноят кодексининг 169-моддаси 2-қисмида кўрсатилган жиноятни содир этиб, жиноий жавобгарликдан қочиб юрган аёл ушланган.
Денов туманида яшовчи, Б.Д. Жиноят ишлари бўйича Термиз шаҳар суди томонидан қидирувда бўлган. Унга нисбатан эҳтиёт чораси сифатида қамоқ жазоси қўлланган.
Қайд этилишича, Б.Д. 2021 йил 7 октябр куни вилоят ИИБ Жиноят қидирув бошқармаси ҳамда шаҳар ИИБ Жиноят қидирув бўлими ходимлари томонидан Термиз шаҳар ҳудудида юргани аниқланиб ушланган.
