Ўзбекистон | 16:49 / 25.10.2021
22793
2 дақиқада ўқилади

Шавкат Мирзиёев: “Орқага йўл йўқ: Ўзбекистон фақат олға юради”

Ўзбекистоннинг сайланган президенти Шавкат Мирзиёев сайлов натижаси эълон қилингач, ЎзЛиДеП штабида нутқ сўзлади. У сўз аввалида яна бир бор ишонч билдиргани учун халққа миннатдорлик билдирди.

“Азиз ва муҳтарам ватандошларим, азиз партиядошларим! Албатта, ҳар бир инсоннинг ҳаётида жуда бир ҳаяжонли дамлар бўлади, менинг ҳаётимда ҳам ҳозир шундай дақиқалар... Мана шундай буюк, жонажон халқим менга ишонч билдиргани учун яна бир марта халқимга, фарзандларимга, мунис оналаримга, нуроний оқсоқолларимизга мени дуолар қилиб, бугунги ғалабага қўллаб-қувватлаганлари учун таъзим қилиб, раҳмат демоқчиман”, – деди президент.

Шавкат Мирзиёев сайловдаги давомат 80 фоиздан ошгани халқнинг ўз келажагига бефарқ эмаслигини англатиши, ушбу сиёсий жараён “дунё тан олган” Сайлов кодекси асосида ўтганини қайд этди.

“Бугунги Ўзбекистон кечаги Ўзбекистон эмас. Бугунги халқимиз беш йил олдинги халқ эмас. Энг катта ютуқларимиздан бири – эмин-эркин, ўзимиз ўз қўлимиз билан, шижоатли меҳнатимиз билан эртанги кунимизга бефарқ эмаслигимизга яна бир марта бутун дунё ҳамжамиятини ишонтирдик.

Бир нарсани ҳар сафар айтдим, ҳозир ҳам айтаман: энди орқага йўл йўқ, Ўзбекистон фақат олға юради!” – деди сайланган президент.

Президент шунингдек, журналистларга алоҳида раҳмат айтди.

«Фурсатдан фойдаланиб бир нарсани таъкидламоқчиман – сўнгги 5 йилда Ўзбекистонимиз оммавий ахборот воситалари бутунлай ўзгарди. Айниқса, сўнгги ойлардаги қизғин сайлов кампанияси давомида вазиятни холис ёритиб бордилар, керак жойда танқид қилдилар.

Мен мана шу онларда оммавий ахборот воситалари ходимлари, азиз журналистларга ўз миннатдорлигимни билдираман», дея Мирзиёевнинг сўзларини келтирмоқда Kun.uz мухбири.

Мавзуга оид

Эълонлар

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери

BI GROUPʼдан 25% гача чегирма билан бизнес класс хонадонлар

Орзуни амалга ошириш фурсати етди: саёҳат учун муносиб маскан

Шаржада ўтказилган Халқаро олимпиадада "Al-Jabr" мактаби ўқувчилари юқори натижаларга эришди

Келажак учун битим: MARS IT School болалар учун IТ-таълимни ривожлантиришнинг янги босқичига чиқяпти

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери

BI GROUPʼдан 25% гача чегирма билан бизнес класс хонадонлар

Орзуни амалга ошириш фурсати етди: саёҳат учун муносиб маскан

Шаржада ўтказилган Халқаро олимпиадада "Al-Jabr" мактаби ўқувчилари юқори натижаларга эришди

Келажак учун битим: MARS IT School болалар учун IТ-таълимни ривожлантиришнинг янги босқичига чиқяпти

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери