Самарқандда корхонага тегишли ерни 23,1 минг долларга сотган шахсга жиноят иши қўзғатилди
Самарқандда корхонага тегишли ерни тадбиркорлик фаолиятини бошлаш ниятида бўлган фуқарога 23,1 минг АҚШ долларига сотган шахсга жиноят иши қўзғатилган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Маълум қилинишича, Бош прокуратура ҳузуридаги Департаментнинг Самарқанд туман бўлими томонидан ўтказилган терговга қадар текширувда, фуқаро А.А.нинг жиноий ҳаракатлари аниқланган.
У тадбиркорлик фаолиятини йўлга қўйиш ниятида бўлган фуқаро К.нинг ишончига кириб, унга «Дахбет сув иншооти» корхонасига қарашли 21 сотих ер ўзига тегишли эканини айтган. Сўнг ушбу жойда ишлаб чиқариш цехи қуриш учун ҳужжатларини расмийлаштириб бериш эвазига К.дан 23 100 АҚШ доллари олган.
А.А. фуқаро К.дан олган 23 100 доллардан 1 500 АҚШ долларини ихтиёрий равишда қайтариб бергани процессуал тартибда расмийлаштирилган.
Қайд этилишича, мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Самарқандда тадбиркорга ер олиб беришни ваъда қилиб 10 минг доллар олган шахсга жиноий иш қўзғатилди
Мавзуга оид
14:57
Самарқандда янги 1 800 ўринли мактаб биноси сифатсиз қурилаётгани аниқланди
07:15 / 02.10.2024
Самарқанд архитектура-қурилиш университетида ёнғин содир бўлди
07:10 / 02.10.2024
Тел-Авив - Самарқанд - Тошкент авиақатнови мажбурий кечиктирилди
12:40 / 01.10.2024