Водийнинг дов-дарахтлари, дарёлари, қир-адирлари кузакда ўзгача чирой касб этади. Фаолиятимиз юзасидан ҳар куни Андижон, Фарғона ва Наманган вилоятларини кезиб, доимий ҳамроҳимиз бўлган фотокамера билан гўзал водий табиати, одамларини йўл-йўлакай суратларга тушириб борамиз. Охирги икки ой давоми бисотимизда анча чиройли тасвирлар тўпланди. Бетакрор куз манзараларини сизга тақдим этишни мақсад қилдик.
