Ўзбекистонда очилмаган жиноятларни тадқиқ этиш билан шуғулланувчи институт ташкил этилди

Ҳукумат қарори билан Адлия вазирлиги ҳузуридаги Х. Сулаймонова номидаги Республика cуд-экспертиза марказининг Суд-экспертлик илмий-тадқиқот институти фаолияти ташкил этилди.

Фото: kyrtag.kg

Адлия вазирлиги хабарига кўра, институт суд экспертиза соҳасида илмий-тадқиқот ишларини олиб боради ва экспертиза муассасаларига кўмак беради.

Шунингдек, институт томонидан очилмаган жиноятларни тадқиқ этиш мақсадида статистик маълумотлар йиғилади.

Давлат ва нодавлат экспертиза ташкилотларининг услубиётларини илмий жиҳатдан асосланганлигини кўриб чиқиш ва хулоса бериш институт томонидан амалга оширилади.

Институт директори адлия вазири томонидан тайинланади ва озод қилинади.

Суд-экспертлик илмий-тадқиқот институти ташкил этилади