Бухорода икки фуқаронинг ўзаро жанжали қотиллик билан якун топди
Бухоро туманида 28 ноябрь куни қотиллик жинояти содир этилди. Фуқаро ўзаро жанжал оқибатида турмуш ўртоғининг жиянини пичоқлади. Бу ҳақда Бухоро вилояти ИИБ ахборот хизмати хабар берди.
Маълум қилинишича, туманнинг Хонобод маҳалласида яшовчи 50 ёшли К.Р. Чорбакр маҳалласида яшовчи, турмуш ўртоғининг жияни бўлган 41 ёшли Ғ.Т. билан ўзаро жанжаллашиб қолган. Жанжал жараёнида К.Р. қайнжиянининг кўкрак қафасига ошхона пичоғи билан уриб, унга оғир тан жароҳати етказган. Бунинг оқибатида Ғ.Т. касалхонага етиб бормасдан, вафот этган.
Ҳолат юзасидан туман прокуратураси томонидан К.Р.га нисбатан Жиноят кодексининг 97-моддаси 1-қисми билан жиноят иши қўзғатилган ва гумон қилинувчи қамоққа олинган.
Бухоро вилояти прокурори Маҳмуд Истамов, ИИБ бошлиғи Шуҳрат Алиев ҳамда тегишли масъуллар иштирокида маҳаллада жиноят муҳокамаси ўтказилган. Муҳокамада ҳолатнинг келиб чиқиш сабаблари бирма-бир таҳлил қилиниб, келгусида бу каби жиноятларнинг олдини олиш учун масъулларга аниқ кўрсатмалар берилган.
Олдинроқ Бухорода 70 ёшли фуқаро қўшнисининг қотилига айланганди.
Мавзуга оид
11:46 / 05.10.2024
Ёлланма қотиллар, сирли буюртмачи ва чалғитилган тергов – Намангандаги мудҳиш қотиллик тафсилоти
21:04 / 02.10.2024
Ҳиндистонда ўқитувчилар «мактаб фаровонлиги» учун ўқувчини қурбон қилишди
14:06 / 26.09.2024
Японияда суд 56 йил аввалги қотиллик учун ўлимга ҳукм қилинган эркакни оқлади
09:23 / 26.09.2024