Самарқанд вилояти Нуробод туманида кўп миқдорда пиротехника воситаларини олиб кетаётган ҳайдовчи аниқланган. Бу ҳақда ИИВ ЙҲХББ хабар бермоқда.
Маълум қилинишича, жорий йил 13 декабрь куни соат 23:30ларда, А-378 Самарқанд-Ғузор халқаро автомобил йўлининг Самарқанд вилояти, Нуробод тумани ҳудудидан ўтувчи 23-километрида хизмат олиб бораётган ЙПХ ходимлари томонидан 1987 йилда туғилган А.М. бошқарувидаги "Epiсa" машинаси тўхтатилган.
Машина тегишли тартибда кўздан кечирилганда унинг юкхонасида 49 500 дона "Британик" ва 69 дона "Соловей разбойник" номли пиротехника воситалари олиб кетилаётгани аниқланган.
Қайд этилишича, ҳозирда ҳолат юзасидан тегишли ҳужжатлар расмийлаштирилиб, ҳайдовчи А.М. ва аниқланган воситалар Нуробод тумани ИИБга топширилган.
