Шавкат Мирзиёев Қуролли Кучлар ташкил этилганининг 30 йиллиги билан ҳарбийларни табриклади
|00:54 / 14.01.202228 39826 мин
Ватан ҳимоячилари куни муносабати билан ҳарбий хизматчилар ва ҳуқуқни муҳофаза қилиш органлари ходимларидан бир гуруҳи мукофотланди.
Фото: Президент матбуот хизматиФото: Президент матбуот хизмати
Шавкат Мирзиёев Ўзбекистон Қуролли Кучлари ташкил этилганининг 30 йиллиги ва Ватан ҳимоячилари куни муносабати билан соҳа ходимларига байрам табриги йўллади. Табрик матни Президент матбуот хизматида эълон қилинди.
Ҳурматли аскар ва сержантлар, офицер ва генераллар!
Қуролли Кучларимиз хизматчилари ва фахрийлари!
Қадрли ватандошлар!
Аввало, ўз ҳаётини она юртимизни ҳимоя қилишдек улуғ ва олижаноб ишга бағишлаган сиз, азизларни, сизларнинг тимсолингизда кўпмиллатли бутун халқимизни Ўзбекистон Республикаси Қуролли Кучлари ташкил этилганининг 30 йиллиги ва Ватан ҳимоячилари куни билан чин қалбимдан самимий муборакбод этаман.
Мана шу қутлуғ айёмда жонажон Ватанимизга садоқат, азму шижоат каби эл-юртимизга хос юксак фазилатларнинг қадр-қиммати ва аҳамиятини, улар ҳаётимизда тобора мустаҳкам ўрин эгаллаб бораётганини янада теран англаймиз ва ўзининг жанговар фаолияти билан буни амалда исботлаб келаётган сиздек ғоят олижаноб касб эгаларини шарафлаймиз.
Шу билан бирга, жанговар бурчини адо этишда мардларча ҳалок бўлган фидойи ҳарбий хизматчиларимизнинг нурли ва сўнмас хотирасига чуқур ҳурмат бажо келтирамиз.
Азиз дўстлар!
Истиқлол даврида Ўзбекистон армияси жуда мураккаб ва шарафли йўлни босиб ўтди. Ёш давлатимизнинг ўта оғир шаклланиш йилларида айнан Қуролли Кучларимиз мамлакатимиз мустақиллиги, халқимизнинг тинч ҳаёти ва фаровонлигини таъминлаш, демократик ислоҳотларни муваффақиятли амалга оширишнинг ишончли кафолати бўлиб хизмат қилганини барчамиз яхши биламиз ва юксак қадрлаймиз.
Кейинги йилларда амалга оширган туб ислоҳотларимиз туфайли тарихан қисқа даврда Ўзбекистон Республикаси суверенитети ва ҳудудий яхлитлигини, сарҳадларимиз дахлсизлигини ишончли ҳимоя қилишга қодир бўлган, тезкор ва ихчам миллий армияни ташкил этишга эришмоқдамиз.
Ана шундай буюк тарихий жараёнда халқимизнинг ҳарбий соҳадаги бой меросига таяниб, Жалолиддин Мангуберди, Соҳибқирон Амир Темур, Заҳириддин Муҳаммад Бобур каби буюк саркарда боболаримизнинг жанговар анъаналарини муносиб давом эттириб келаётган, жисмоний ва маънавий етук, замонавий билим, қурол-яроғ ва техникаларни пухта эгаллаган, давлат ва халқ манфаатлари учун ҳар қандай синов ва машаққатларни енгиб ўтишга тайёр бўлган ҳарбийларимиз доимо фаол иштирок этиб келаётганлари ҳар қандай юксак эътирофга муносибдир.
Мавзуга оид
Шу маънода, муқаддас қасамёдига ҳамиша содиқ, эл-юрт ҳимояси йўлида метин қалқон бўлган мард ва жасур ҳарбийларимиз Ўзбекистоннинг чинакам ватанпарвар баҳодирлари, десак, айни ҳақиқатни айтган бўламиз.
Халқимиз ўзининг сизлар каби ботир ва довюрак фарзандлари – Ватанимизнинг ҳақиқий посбонлари билан ҳақли равишда фахрланади.
Муҳтарам юртдошлар!
Кейинги йилларда «Халқ ва армия – бир тану бир жондир» деган эзгу тамойил асосида улкан ишлар амалга оширилмоқда. Бугунги кунда фуқароларимиз армиянинг ҳар томонлама ёрдами ва кўмагини ҳаётнинг барча соҳаларида амалда ҳис этмоқдалар. Айниқса, мураккаб синов даври бўлган пандемия пайтида ва фавқулодда ҳолатлар оқибатларини бартараф этишда, биз учун ҳеч нарса билан ўлчаб, қиёслаб бўлмайдиган бебаҳо бойлик – тинчлик ва осойишталикни асраш ва ҳимоя қилишда бу якдиллик янада яққол намоён бўлмоқда.
Ҳозирги вақтда бутун жамиятимизда, жумладан, Қуролли Кучларимиз тизимида амалга оширилаётган туб ислоҳотларда «Инсон қадри учун» деган муҳим тамойил марказий ўринга қўйилаётгани сизларга яхши маълум.
Шу асосда миллий армиямиз сафларида хизмат қилаётган барча ҳарбийлар, муҳтарам фахрийларимизнинг Ватан ва халқ олдидаги хизматларини муносиб қадрлаш, уларни моддий ва маънавий рағбатлантириш, кундалик ҳаётидаги муаммоларини ҳал этишга кўмаклашиш, уларнинг оиласи ва фарзандларини ижтимоий ҳимоя қилиш борасидаги ишларимиз йилдан йилга янги босқичга кўтарилмоқда.
Ҳеч шубҳасиз, ҳаётимизнинг барча жабҳаларини қамраб олаётган бундай жадал ўзгаришлар юртимизда ҳарбий хизматнинг обрў-эътибори, армия ва халқ бирлиги янгича мазмунга эга бўлиб, ёшларимиз қалбида армиямиз билан фахрланиш туйғуси, Ватан ҳимоячисидек олижаноб касбга ҳурмат-эҳтиром ҳиссини янада кучайтиришга хизмат қилмоқда.
Муҳтарам ватандошлар!
Бугунги глобаллашув ва кескин рақобат даври, дунёнинг турли бурчакларида, жумладан, минтақамизда юз бераётган қуролли можаро ва қарама-қаршиликлар, янги таҳдид ва хатарлар олдимизга кечиктириб бўлмайдиган долзарб вазифаларни қўймоқда. Ана шундай ғоят масъулиятли вазиятда мамлакатимизда тинчлик ва осойишталикни, фуқароларнинг конституциявий ҳуқуқ ва эркинликларини кафолатлаш ва ҳимоя қилишда Қуролли Кучларимиз, хавфсизлик ва ҳуқуқни муҳофаза қилувчи идораларнинг ўрни ва аҳамияти тобора ортиб бормоқда.
Бу ҳақиқатни ҳисобга олган ҳолда, мамлакатимиз мудофаа салоҳиятини янада мустаҳкамлаш ва Қуролли Кучларимиз қудратини ошириш Янги Ўзбекистон тараққиёт стратегиясининг устувор йўналишларидан бири этиб белгиланди. Ушбу вазифаларни амалга оширишда Қуролли Кучларимиз қўмондонлик таркиби жойлардаги ҳокимият идоралари ва халқимиз билан биргаликда бир тану бир жон бўлиб ҳаракат қилишлари керак.
Ҳарбий хизматчилар, айниқса, командирлар таркибининг профессионал тайёргарлигини ошириш миллий армияни янада ривожлантиришнинг энг муҳим шарти бўлиб қолмоқда. Бу борада Қуролли Кучлар Бош штаби ҳамда ҳарбий округлар бошқарув аппаратлари офицерларини, бригада командирлари ва уларнинг ўринбосарларини ўқитиш бўйича Қуролли Кучлар академиясида жорий этилган янги тизимнинг юксак самарадорлигини таъминлаш – долзарб вазифадир.
Шу муносабат билан ҳарбий таълим ва илм-фан тизимида бошланган ислоҳотларни изчил амалга ошириш, соҳа учун кадрлар тайёрлашда назария ва амалиётни имкон қадар яқинлаштиришга алоҳида эътибор қаратиш лозим.
Миллий армиямизни замонавий қурол-яроғ ва ҳарбий техникалар билан таъминлаш бўйича комплекс дастурларни тайёрлашда бугунги кунда дунёнинг турли минтақаларида кузатилаётган ҳарбий можаролар хусусиятларини, қўшинларни янада ривожлантиришнинг устувор йўналишларини ҳисобга олиш мақсадга мувофиқдир. Бу борада энг зарур қурол-аслаҳа ва анжомларни сотиб олиш, уларни янги жанговар тизимлар билан биргаликда қўллаш ва такомиллаштириб бориш эътиборимиз марказида бўлиши зарур.
Жаҳон ахборот маконида кескин кураш кетаётган ҳозирги вазиятда муҳим объэктларда ахборот хавфсизлигини таъминлаш бўйича комплекс чора-тадбирларни ишлаб чиқиш ва амалга ошириш ҳам давр талабидир.
Ҳарбий хизматчиларнинг жанговар руҳи, интеллектуал салоҳиятини юксалтириш, аҳоли, биринчи навбатда ёшларни ҳарбий-ватанпарварлик руҳида тарбиялаш, ҳарбий хизматчилар, уларнинг оила аъзолари, Қуролли Кучларимиз фахрийларини ижтимоий ва ҳуқуқий жиҳатдан муҳофаза қилишни кучайтириш борасидаги ишларимизни бундан буён ҳам изчил давом эттирамиз.
Ҳурматли аскар ва сержантлар, офицер ва генераллар,
Қуролли Кучларимиз хизматчилари ва фахрийлари!
Ушбу қутлуғ айёмда фидокорона хизматларингизни алоҳида таъкидлаб, сизларнинг фаол саъй-ҳаракатларингиз билан Ўзбекистон армияси изчил ривожланиб бораётганини, унинг жанговар қобилияти ортиб, мудофаа қудратимиз мустаҳкамланаётгани, халқимизнинг осойишта ҳаёти таъминланаётганини яна бир бор юксак ғурур билан эътироф этамиз.
Фурсатдан фойдаланиб, ана шундай самарали хизматларингиз учун сизларга, мў’табар тупроғимизни кўз қорачиғидек асраб-авайлаш йўлида олижаноб ва масъулиятли бурчини муносиб адо этиб келаётган барча жасур ўғлонларимизга, уларнинг ота-оналари ва оила аъзоларига чин дилдан миннатдорлик билдираман.
Барчангизни Ўзбекистон Қуролли Кучлари ташкил этилганининг шонли 30 йиллиги ва Ватан ҳимоячилари куни билан яна бир бор самимий табриклайман.
Сизларга мустаҳкам соғлик, оилавий бахт-саодат, тинчлик ва фаровонлик тилайман.
Миллий армиямиз сафларидаги шарафли хизматингизда янги ютуқ ва зафарлар ёр бўлсин!
Куч-ғайратингиз, шаъну шарафингиз янада зиёда бўлсин!
Жонажон Ўзбекистонимизга садоқат билан хизмат қилишдан ҳеч қачон чарчаманг, мард ва жасур Ватан посбонлари!»
Ўзбекистон Республикаси Қуролли Кучлари ташкил этилганининг 30 йиллиги ҳамда Ватан ҳимоячилари куни муносабати билан ҳарбий хизматчилар ва ҳуқуқни муҳофаза қилиш органлари ходимларидан бир гуруҳини мукофотлаш тўғрисида Ўзбекистон Республикаси Президентининг фармони
Мамлакатимиз мудофаа қудратини мустаҳкамлаш, Қуролли Кучларимиз жанговар салоҳиятини юксалтириш, Ватанимиз мустақиллиги, давлат хавфсизлиги ва чегараларимиз дахлсизлигини кўз қорачиғидек асраш, профессионал миллий армияни шакллантириш, ҳарбий хизмат нуфузини оширишдаги катта хизматлари, жамиятда тинчлик ва барқарорликни, халқимиз осойишталигини сақлаш, фуқароларнинг ҳуқуқ ва эркинликлари, қонуний манфаатларини ҳимоя қилиш борасидаги ибратли фаолияти, шарафли ва муқаддас бурчини бажаришда мардлик ва жасорат кўрсатгани, ёшларни ватанпарварлик руҳида тарбиялаш, юқори маҳоратга эга кадрларни тайёрлашга қўшган муносиб ҳиссаси учун қуйидагилар мукофотлансин:
II даражали «Шон-шараф» ордени билан
Батиров Хасан Арзудинович – Ўзбекистон Республикаси Ички ишлар вазирлиги Қоровул қўшинлари қўмондони
Кахаров Рашид Джамалович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Рустамбаев Мирзаюсуп Хакимович – Ўзбекистон Республикаси Жамоат хавфсизлиги университети бошлиғи
«Мардлик» ордени билан
Азизов Улуғбек Уктамович – Амир Темур номидаги Ўзбекистон Республикаси Давлат хавфсизлик хизмати Академияси бошлиғи
Гафуров Шерзод Муродович – Ўзбекистон Республикаси Мудофаа вазирлиги ҳарбий қисм командири
Дадабоев Хомиджон Восижонович – Ўзбекистон Республикаси Миллий гвардияси Ихтисослаштирилган ўқув маркази бошлиғи
Имамов Азам Хусаинович – Ўзбекистон Республикаси Мудофаа вазирлиги ҳарбий қисм командири
Кулдашев Абдулла Хамидуллаевич – Ўзбекистон Республикаси фавқулодда вазиятлар вазирининг биринчи ўринбосари
Курбанов Бунёд Мавлонович – Ўзбекистон Республикаси Мудофаа вазирлиги ҳарбий қисм взвод командирининг ўринбосари
Отажонов Бахтиёр Йўлдошевич – Ўзбекистон Республикаси Мудофаа вазирлиги бошқармаси бошлиғи
Рахманкулов Элмурод Байкузиевич – Ўзбекистон Республикаси Мудофаа вазирлиги ҳарбий қисм взвод командири
Розумов Равшанбек Адамбаевич – Ўзбекистон Республикаси Ички ишлар вазирлиги Қоровул қўшинлари бригада командири
Рўзиев Баходир Хусенович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Салиев Муталибджон Обиджонович – Ўзбекистон Республикаси Давлат божхона қўмитаси раисининг ўринбосари
Сафаров Муроджон Камолович – Ўзбекистон Республикаси Мудофаа вазирлиги ҳарбий қисм командири
Умаров Фердавс Ахтамович – Ўзбекистон Республикаси Мудофаа вазирлиги ҳарбий қисм командири
Хамдамов Хусанбой Мухторович – Ўзбекистон Республикаси Мудофаа вазирлиги ҳарбий қисм взвод командири
Шадибеков Кобил Адилович – Ўзбекистон Республикаси Миллий гвардияси Тошкент шаҳар Қўриқлаш бошқармаси бошлиғи
Шадибеков Улугбек Исламбек ўғли – Ўзбекистон Республикаси Мудофаа вазирлиги Ҳаво ҳужумидан мудофаа қўшинлари ва Ҳарбий ҳаво кучлари қўмондонининг ўринбосари
Яллақаев Зокир Юсупович – Ўзбекистон Республикаси Қуролли Кучлари Бош штаби бош бошқармаси катта инспектори
«Дўстлик» ордени билан
Абдуллаев Шухратжон Абдирайимович – Ўзбекистон Республикаси Мудофаа вазирлиги ҳарбий округ қўшинлари қўмондонининг ўринбосари
Атамухамедов Акбар Хамидович – Ўзбекистон Республикаси Давлат хавфсизлик хизмати Чегара қўшинлари ашула ва рақс ансамбли бошлиғининг ўринбосари
Байбеков Равиль Абубакирович – Ўзбекистон Республикаси Қуролли Кучлари Бош штаби бўлим бошлиғи
Назаров Азиз Хабибуллаевич – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Нам Владислав Русланович – Ўзбекистон Республикаси Қуролли Кучлари Бош штаби бошқарма бошлиғи
Таджиева Алеся Сергеевна – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Танкачев Владимир Николаевич – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Хайтуллаева Алла Рахматуллаевна – Тошкент вилояти Ички ишлар бош бошқармаси ҳарбий сафарбарлик бўлими катта инспектори
Шакиров Мухтаржон Абдисалиевич – Ўзбекистон Республикаси Мудофаа вазирлиги ҳузуридаги «Ғалаба боғи» ёдгорлик мажмуаси бошлиғининг ўринбосари – «Шон-шараф» давлат музейи директори
II даражали «Саломатлик» ордени билан
Болиев Зокиржон Абдахатович – Ўзбекистон Республикаси Мудофаа вазирлиги Марказий ҳарбий клиник госпитали бўлинмаси бошлиғи
Жўраев Лазизжон Иномович – Ўзбекистон Республикаси Мудофаа вазирлиги Марказий ҳарбий санаторийси бошлиғи
Имомалиев Муротали Йўлдашевич – Ўзбекистон Республикаси Мудофаа вазирлиги Санитария-эпидемиология назорат маркази шифокори
Маматов Улугбек Актамович – Ўзбекистон Республикаси Мудофаа вазирлиги ҳарбий округ ҳарбий госпитали бошлиғи
Таштемиров Халияр Юнусович – Ўзбекистон Республикаси Мудофаа вазирлиги Марказий ҳарбий-тиббий комиссияси бошлиғининг ўринбосари
Эшкуватов Комил Рузибоевич – Ўзбекистон Республикаси Мудофаа вазирлиги Тиббий таъминот бошқармаси бўлим бошлиғи
«Жасорат» медали билан
Абдуллажонов Муроджон Солижонович – Ўзбекистон Республикаси Мудофаа вазирлиги ҳарбий қисм взвод командири
Абдуллоев Рустам Ражабович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Абдухалилов Асадбек Дилмурод ўғли – Ўзбекистон Республикаси Миллий гвардияси ҳарбий қисм гуруҳ патрули
Жиемуратов Ниетбай Турганбаевич – Ўзбекистон Республикаси Мудофаа вазирлиги ҳарбий қисм қоровул бошлиғи
Жолдасбаев Русланбек Медетбай ули – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Жонтемиров Фаррух Тўлқинович – Ўзбекистон Республикаси Мудофаа вазирлиги ҳарбий қисм батальон командирининг биринчи ўринбосари
Жўрабоев Хусанбой Адхамович – Ўзбекистон Республикаси Миллий гвардияси Фарғона вилояти Қўриқлаш бошқармаси Қўштепа тумани қўриқлаш бўлими гуруҳ сафдор-ходими
Ибрагимов Зиёдали Фармон ўғли – Ўзбекистон Республикаси Мудофаа вазирлиги ҳарбий қисм гуруҳ командирининг ўринбосари
Исломов Фурқат Абдусаидович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Қазақбаев Жамалатдин Воразимбетович – Ўзбекистон Республикаси Мудофаа вазирлиги ҳарбий қисм пост бошлиғи
Лайлоқов Ихтиёр Боймуродович – Сурхондарё вилояти Ички ишлар бошқармаси гуруҳ командирининг ўринбосари
Маматмуратов Хусниддин Хўшбақович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Менглиев Элдор Ғулом ўғли – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Назаров Исмаилжон Анваржонович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Нурмуродов Рустам Пирмаматович – Ўзбекистон Республикаси Мудофаа вазирлиги ҳарбий қисм бўлим бошлиғи
Обидов Ботир Қодиржонович – Наманган вилояти Чортоқ тумани ички ишлар бўлими профилактика катта инспектори
Примкулов Мамаражаб Келдибек ўғли – Ўзбекистон Республикаси Мудофаа вазирлиги ҳарбий қисм батареяси командири
Расулов Адхам Мамарахимович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Тиловов Орифжон Аллабердиевич – Ўзбекистон Республикаси Мудофаа вазирлиги ҳарбий қисм гуруҳ мутахассиси
Толипов Одилжон Бахранович – Ўзбекистон Республикаси Мудофаа вазирлиги ҳарбий қисм гуруҳ мутахассиси
Тошбоев Мансур Турсунбаевич – Ўзбекистон Республикаси Миллий гвардияси Самарқанд вилояти бўйича бошқармаси ҳарбий қисм гуруҳ мутахассиси
Тошмирзаев Нурилло Абдулло ўғли – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Ҳамдамов Алишер Ўктамович(марҳум) – Ўзбекистон Республикаси Миллий гвардияси Бухоро вилояти Қўриқлаш бошқармаси Қоровулбозор тумани қўриқлаш бўлими сафдор-ходими
Ҳасанов Диёржон Зокир ўғли – Ўзбекистон Республикаси Мудофаа вазирлиги ҳарбий қисм гуруҳ командирининг ўринбосари
Холдоров Луқмон Зокирович – Ўзбекистон Республикаси Мудофаа вазирлиги ҳарбий қисм гуруҳ мутахассиси
Хусанов Хасан Алишерович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Шаисаев Ислом Рустамович – Ўзбекистон Республикаси Мудофаа вазирлиги Тоифаланган объектларни қўриқлаш қўшинлари қўмондонининг ўринбосари
Шокиров Садриддин Саъдуллоевич – Ўзбекистон Республикаси Миллий гвардияси ҳарбий қисм гуруҳ командирининг ўринбосари
Эсанов Акбар Жабборович(марҳум) – Сурхондарё вилояти Термиз шаҳар ички ишлар бўлими взвод командири
«Содиқ хизматлари учун» медали билан
Абдуллаев Комилжон Каримович – Фарғона вилояти Фавқулодда вазиятлар бошқармаси Учкўприк тумани фавқулодда вазиятлар бўлими бошлиғи
Абдуллаев Шавкатжон Махмудиллаевич – Ўзбекистон Республикаси Миллий гвардияси бошқармаси бўлим бошлиғи
Бозоров Эргаш Хайриллоевич – Ўзбекистон Республикаси Ички ишлар вазирлиги Қоровул қўшинлари ҳарбий қисм қоровул бошлиғи
Ботиров Мовлонжон Мирзаевич – Ўзбекистон Республикаси Ички ишлар вазирлиги Қоровул қўшинлари ҳарбий қисм қоровул бошлиғи
Fуломжонов Зафарбек Fуломжонович – Андижон вилояти Бўстон тумани прокурори
Джапаров Расулжон Камилжанович – Ўзбекистон Республикаси Қуролли Кучлари Бош штаби бош бошқармаси бошлиғининг ўринбосари
Жумабаев Бахадир Маратович – Ўзбекистон Республикаси Мудофаа вазирлиги ҳарбий қисм бўлинма бошлиғи
Зарипов Марат Завдятович – Ўзбекистон Республикаси Қуролли Кучлари Бош штаби бош бошқармаси бўлим бошлиғининг ўринбосари
Зияев Улуғбек Муродуллаевич – Ўзбекистон Республикаси Мудофаа вазирлиги ҳарбий қисм командири
Исматов Беҳзоджон Ахаджонович – Ўзбекистон Республикаси Мудофаа вазирлиги Фарғона «Темурбеклар мактаби» ҳарбий-академик лицейи директорининг биринчи ўринбосари
Камолиддинов Шохрух Бурхониддин ўғли – Ўзбекистон Республикаси Миллий гвардияси ҳарбий қисм отряд командири
Каюмов Эркинжон Ганиевич – Ўзбекистон Республикаси Миллий гвардияси «Динамо» жисмоний тарбия-спорт жамияти ўқув-спорт бўлими бошлиғи
Қодиров Умид Абдухамидович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Косбаев Иляр Жолдасбаевич – Қорақалпоғистон Республикаси Фавқулодда вазиятлар бошқармаси қидирув ва қутқарув гуруҳи инструктор-қутқарувчиси
Қосимов Шухратбек Зокирович – Ўзбекистон Республикаси Миллий гвардияси ҳарбий қисм бўлим катта техниги
Кучкаров Адхамжон Умаралиевич – Ўзбекистон Республикаси Мудофаа вазирлиги Махсус авария-тиклаш бошқармаси бошлиғининг ўринбосари
Лакота Вячеслав Александрович – Ўзбекистон Республикаси Мудофаа вазирлиги ҳарбий қисм бўлим бошлиғи
Маллабаева Зилола Мирпулатовна – Ўзбекистон Республикаси Миллий гвардияси Тошкент вилояти Қўриқлаш бошқармаси гуруҳ бош юрисконсульти
Мамаюсупов Сарвар Дехканович – Ўзбекистон Республикаси Миллий гвардияси қўмондонининг ўринбосари
Мирзалиева Мухаббат Махамаджоновна – Ўзбекистон Республикаси Давлат хавфсизлик хизмати «Темурбеклар мактаби» ҳарбий-академик лицейи психологи
Мукимов Захид Абдурахимович – Тошкент шаҳри Учтепа тумани бўйича Ички ишлар органлари фаолиятини мувофиқлаштириш бошқармаси профилактика катта инспектори
Муратов Саитакмал Саитакбарович – Ўзбекистон Республикаси Миллий гвардияси Республика ихтисослаштирилган мусиқа академик лицейи директорининг ўринбосари
Мусаев Турсунали Эргашевич – Ўзбекистон Республикаси Миллий гвардияси Жиззах вилояти Қўриқлаш бошқармаси Ғаллаорол тумани қўриқлаш бўлими отряд командири
Мусоев Олим Сайфиевич – Ўзбекистон Республикаси Мудофаа вазирлиги марказий базаси бошлиғининг ўринбосари
Мустафакулов Фарход Тохирович – Ўзбекистон Республикаси Мудофаа вазирлиги ҳарбий округ бошқарув аппарати хизмат бошлиғи
Мухсинов Шариф Мухамедович – Бухоро вилояти прокурорининг катта ёрдамчиси
Назириддинов Ғуломназир Махмудович – Ўзбекистон Республикаси Мудофаа вазирлиги бошқарма катта инспектори
Нураев Асадулла Абдуллаевич – Ўзбекистон Республикаси Мудофаа вазирлиги марказ бошлиғи
Нуратдинов Муратбай Абдуллаевич – Қорақалпоғистон Республикаси прокурорининг катта ёрдамчиси
Нурмурадов Умид Асатович – Ўзбекистон Республикаси Мудофаа вазирлиги ҳарбий округ бошқарув аппарати хизмат бошлиғи
Раджапов Хайдар Мирзаевич – Ўзбекистон Республикаси Ички ишлар вазирлиги «Термиз» халқаро аэропортида хавфсизликни таъминлаш бўйича алоҳида батальони гуруҳ командири
Рахимов Абдурасул Абдирахимович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Рахимов Мухаммадали Рустамбоевич – Ўзбекистон Республикаси Мудофаа вазирлиги ҳарбий қисм командири
Рўзиев Учқун Холбоевич – Ўзбекистон Республикаси Олий судининг судьяси
Рустамов Аюбжон Рахимович – Ўзбекистон Республикаси Мудофаа вазирлиги ҳарбий округ қўшинлари қўмондонининг ўринбосари
Сайданов Махаммаджон Марибжонович – Ўзбекистон Республикаси Миллий гвардияси ҳарбий қисм командирининг ўринбосари
Сапарниязов Хамдам Сабирович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Суяров Куван Темиртошевич – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Тўйчиев Зайлиддин Унарбоевич – Ўзбекистон Республикаси Миллий гвардияси Фарғона минтақавий ўқув маркази бошлиғи
Тўлашев Илхом Шарифович – Ўзбекистон Республикаси Мудофаа вазирлиги ҳарбий қисм секция командири
Усманов Исмоилхон Махсимович – Ўзбекистон Республикаси Ички ишлар вазирлиги «Фарғона» халқаро аэропортида хавфсизликни таъминлаш бўйича алоҳида батальони гуруҳ командири
Усмонов Холиёр Тлавович – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Хамзина Дамира Зайнуровна – Тошкент вилояти Ўрта Чирчиқ тумани прокурорининг катта ёрдамчиси
Хожаназаров Аманкелди Оринбаевич – Қорақалпоғистон Республикаси Хўжайли тумани ички ишлар бўлими бўлинма бошлиғи
Холмурзаев Шухрат Сафарович – Самарқанд вилояти Ургут тумани прокурори
Худайберганова Дилором Зафаровна – Ўзбекистон Республикаси Миллий гвардияси бўлим бошлиғи
Хусанов Қобулжон Нигматуллаевич – Ўзбекистон Республикаси Мудофаа саноати бўйича давлат қўмитаси бош мутахассиси
Эрбўтаев Илёс Каримович – Ўзбекистон Республикаси Миллий гвардияси Сирдарё вилояти бўйича бошқармаси бошлиғи
Эргашев Восиджон Ёкубович – Ўзбекистон Республикаси Давлат божхона қўмитасининг Божхона институти бошлиғи
Юлдошев Акмал Ҳамидович – Ўзбекистон Республикаси Мудофаа вазирлиги бош бошқармаси бошқарма бошлиғи
«Шуҳрат» медали билан
Абдигалиев Казбек Абдижамил ули – Ўзбекистон Республикаси Миллий гвардияси ҳарбий қисм бўлим бошлиғи
Абдувахидов Азиз Рахматуллаевич – Ўзбекистон Республикаси Ички ишлар вазирлиги Навоий вилояти бўйича портловчи ускуналарни зарарсизлантириш бўйича махсус отряди бош мутахассиси
Абдуллаев Шухратжон Рахимович – Наманган вилояти прокуратураси бўлим бошлиғи
Абдуллаева Зиёдахон Банноповна – Ўзбекистон Республикаси Мудофаа вазирлиги ҳарбий қисм гуруҳ техник-назоратчиси
Айнабеков Канат Халбаевич – Ўзбекистон Республикаси Миллий гвардияси ҳарбий қисм гуруҳ мутахассиси
Ахмедов Икром Изатилло ўғли – Ўзбекистон Республикаси Давлат хавфсизлик хизмати Чегара қўшинлари ҳарбий хизматчиси
Бабажанов Зафар Полванназирович – Ўзбекистон Республикаси Қуролли Кучлари Марказий ашула ва рақс ансамбли бошлиғи
Кадиров Умар Халикович – Жиззах вилояти Ички ишлар бошқармаси патруль-пост хизмати батальони командири
Курбонов Уткир Каландарович – Ўзбекистон Республикаси Фавқулодда вазиятлар вазирлиги ёнғин хавфсизлигини таъминлашни ташкил этиш маркази бўлим бошлиғининг ўринбосари
Қушназаров Хурсандбек Рашидович – Хоразм вилояти Божхона бошқармаси муҳим ишлар бўйича катта тезкор вакили
Марханов Олим Ахматханович – Ўзбекистон Республикаси Фавқулодда вазиятлар вазирлиги ихтисослаштирилган муҳандислик-техник батальони қутқарувчи-ҳайдовчиси
Мовлонов Абдурасул Рахмонович – Ўзбекистон Республикаси Миллий гвардияси Қўриқлаш бош бошқармаси бошқарма бошлиғининг ўринбосари
Намазов Зиёдулла Юлдашевич – Ўзбекистон Республикаси Мудофаа вазирлиги ҳарбий қисм секция командири
Нуриддинов Фахриддин Нуриддинович – Ўзбекистон Республикаси Мудофаа вазирлиги ҳарбий қисм чилангар-таъмирловчиси
Нурматов Турсунали Рахимджонович – Ўзбекистон Республикаси Мудофаа вазирлиги ҳарбий қисм гуруҳ командири
Сарманов Бахтияр Данакулович – Сирдарё вилояти прокуратураси бўлим прокурор-криминалисти
Турсунов Собиржон Муродович – Қашқадарё вилояти Фавқулодда вазиятлар бошқармаси Қарши тумани фавқулодда вазиятлар бўлими бошлиғи
Умирзаков Дилшод Давронович – Самарқанд вилояти Ички ишлар бошқармаси патруль-пост хизмати батальони бўлинма командири
Умиров Жасур Хайруллаевич – Ўзбекистон Республикаси Фавқулодда вазиятлар вазирлиги ёнғин хавфсизлигини таъминлашни ташкил этиш маркази инспектори
Хасанов Шерзодбек Хамиджон ўғли – Фарғона вилояти Божхона бошқармаси чегара божхона пости катта тезкор вакили
Ходжамуратова Гулнора Турсунбаевна – Ўзбекистон Республикаси Мудофаа вазирлиги «Ватанпарвар» бирлашган таҳририяти бўлим бошлиғи
Хушвактов Хусан Абдурашидович – Сурхондарё вилояти Божхона бошқармаси чегара божхона пости катта инспектори
Шодиев Алижон Қудратович – Ўзбекистон Республикаси Ички ишлар вазирлиги «Урганч» халқаро аэропортида хавфсизликни таъминлаш бўйича алоҳида батальони командири
Юлдашев Жасурбек Махаматович – Ўзбекистон Республикаси Мудофаа вазирлиги Чирчиқ олий танк қўмондонлик-муҳандислик билим юрти цикл бошлиғи
