Агентлик раҳбарияти рўй берган ҳодиса сабабларини аниқламоқда.
Bloomberg агентлиги жума куни ўз веб-сайтида «Россия Украинага бостириб кирди» сарлавҳали хабар эълон қилди, кейин хатони тан олди ва хабарни олиб ташлади.
«Биз турли сценарийлар учун сарлавҳалар тайёрлаяпмиз ва «Россия Украинага бостириб кирди» сарлавҳаси тасодифан соат 16:00 ларда (Тошкент вақти билан тахминан ярим тунда) сайтимизга жойлаштирилди. Биз бу хатодан чуқур афсусдамиз», — дейилган шанба куни агентлик сайтида эълон қилинган хабарда.
Таъкидланишича, агентлик раҳбарияти ҳодиса сабабларини аниқламоқда.
Сўнгги пайтларда ғарб давлатларида Россиянинг Украина ҳудудига бостириб кириши мумкинлиги ҳақида баёнотлар янграмоқда. Россия президентининг матбуот котиби Дмитрий Песков бундай маълумотни бўш ва кескинликнинг асоссиз кучайтирилиши деб атади ҳамда Украина жануби-шарқидаги инқирозни куч билан ҳал қилишга уринишлар энг жиддий оқибатларга олиб келиши тўғрисида огоҳлантирди.
