Қашқадарё ва Тошкент вилоятларида масъулиятсиз ва камчиликка йўл қўйган судялар интизомий жазога тортилди

Судялар олий кенгаши матбуот хизматининг хабар беришича, масъулиятсизлиги ва йўл қўйган камчиликлари учун Қашқадарё ва Тошкент вилоятларининг бир қатор судялари интизомий жазога тортилган.

Жумладан:

— Қашқадарё вилояти фуқаролик ишлари бўйича Косон туманлараро судининг судяси Э.Эшонбобоев;

— Қашқадарё вилояти фуқаролик ишлари бўйича Яккабоғ туманлараро судининг судяси Л.Абдуллаев;

— Қашқадарё вилояти фуқаролик ишлари бўйича Чироқчи туман судининг раиси Р.Заиров;

— Қашқадарё вилояти фуқаролик ишлари бўйича Қарши туманлараро судининг судяси Л.Маҳаммадиева;

— Тошкент вилояти жиноят ишлари бўйича Ангрен шаҳар судининг раиси Т.Ҳайдаров интизомий жазога тортилган.

Аввалроқ, Андижон вилоят судининг раиси ва вилоят маъмурий судининг раиси интизомий жавобгарликка тортилганди.