Қўшимча функционаллар
-
Тунги кўриниш
Хатирчидаги хавфли кўприк – туман мутасаддилари муаммога нега кўз юммоқда?
Хатирчи туманининг Олтинобод маҳалласидаги Навандак қишлоғи болалари ҳудуддаги хавфли кўприкдан ҳар куни ўтиб қайтишга мажбур. Сабаби, улар мактабга шу йўлдан қатнашади. Қишлоқ аҳолисининг кўп бора қилган мурожаатларига қарамай, туман мутасаддилари масалага эътибор бермаяпти.
Сой устига қурилган кўприк қачонлардир бузилиб кетган. Баҳор кезлари сойда сув тўлиб-тошади ва у кўприкдан ўтиш имконсиз бўлиб қолади. Ота-оналар эса катта қувурдан кесиб ясалган қўлбола кўприкдан ўтиб мактабга қатнайдиган боласини юрак ҳовучлаб кутиб ўтиришини айтмоқда.
Аҳолининг маълум қилишича, қимирлаб турувчи ушбу кўприкдан ўтишда болаларнинг йиқилиб тушган ҳолатлари ҳам кузатилган. Кўза кунда эмас, кунида синади, деган нақлни унутган туман раҳбарлари эса бу муаммога негадир кўз юмиб келишяпти.
Kun.uz ушбу қишлоқ муаммоларини икки йил олдин ёритганди. Аммо уларнинг аксарияти, хусусан, кўприк масаласи бугунгача ўз ечимини топмаган.
Мавзуга оид
20:34 / 15.01.2026
Хатирчида 6 ойлик чақалоқ отаси оғзига пайпоқ тиқиши оқибатида вафот этди
09:53 / 01.11.2025
Бекободда Сирдарёни боғлайдиган янги кўприк ишга тушди
07:30 / 21.10.2025
Муҳандислик санъатга айлантирилган дунёдаги еттита кўприк
16:05 / 03.09.2025