Каттақўрғон шаҳрида фуқароларни хорижий давлатга ишга юбормоқчи бўлган фирибгар ушланган.
Фото: Иқтисодий жиноятларга қарши курашиш департаменти
Бош прокуратура ҳузуридаги департаментнинг хабар беришича, департамент ҳамда ДХХ Каттақўрғон шаҳар бўлимлари томонидан тезкор тадбир ўтказилган.
Тадбирда, фуқаро Б.А. фуқаро Ф.ни танишлари орқали 5 ой муддатга Жанубий Кореяга ишга юборишни ваъда қилиб, эвазига 5 минг доллар олган вақтида ашёвий далиллар билан ушланган.
Қайд этилишича, мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Сурхондарё, Наманган ва Андижонда фуқароларни ишга киритишни ва хорижга ишга юборишни айтиб фирибгарлик қилган шахслар ушланганди.
