Kun.uz мухбирининг хабар беришича, шаҳарнинг Сўғдиёна даҳасидаги бир қатор кўчалар, шунингдек, халқ тилида «Макаронка» деб аталадиган Чуқур йўли кўчаси сувга тўлган.
Бундан ташқари Ҳазора автошоҳбекати, Регистон кўчасида катта миқдорда сув йиғилган.
Шаҳарда ёмғир ёғиши давом этмоқда. Жойларда вилоят Фавқулодда вазиятлар бошқармаси ходимлари навбатчиликда туриб, тўпланиб қолаётган сувларни бартараф этишмоқда.
Аввалроқ, кучли ёмғир туфайли М-39 халқаро автомобил йўлининг Булунғур тумани ҳудудидан ўтган қисмида сел оқаётгани ҳақида хабар берилганди.
