Жанубий Африка Республикасининг Квазулу-Натал провинциясида юз берган сув тошқинлари оқибатида 253 киши ҳалок бўлди. Бу ҳақда штат соғлиқни сақлаш ижроия кенгаши аъзоси Номагугу Симелане маълум қилди.
Ҳафта бошидан буён мамлакатнинг йирик шаҳарларидан бири бўлган Дурбан ва унинг атрофидаги ҳудудларда кучли жала ёғмоқда.
Ёғин миқдори бир квадрат метрга 300 миллиметрни ташкил этди. Тинимсиз ёмғир ёғиши натижасида сув тошқинлари содир бўлди.
Табиий офат юзлаб биноларни вайрон қилди, Дурбан порти фаолияти тўхтатилди.
