Президент Қашқадарёга боради

Ташриф давомида ҳудудда олиб борилаётган бунёдкорлик ишлари, саноат корхоналари ва ижтимоий соҳа объектлари билан танишиш, халқ билан мулоқот қилиш, вилоятни ривожлантириш ва аҳоли турмуш шароитини яхшилаш бўйича янги вазифаларни белгилаш режалаштирилган.

Эслатиб ўтамиз, сўнгги кунларда Қашқадарё вилояти ҳокимининг икки нафар ўринбосари алмашди. Вилоят солиқ бошқармаси бошлиғи лавозимида ишлаб келган Алишер Қодиров вилоят ҳокими биринчи ўринбосарига айланди. Давлат божхона қўмитаси раиси ўринбосари лавозимида ишлаб келган Ўткир Қодиров Қашқадарё ҳокимининг ўринбосари – вилоят инвестициялар ва ташқи савдо бошқармаси бошлиғи лавозимига тайинланди.