Май ойида энг кўп никоҳ ҳолатлари қайд этилган ҳудуд маълум қилинди

Қўмита хабарига кўра, 2022 йилнинг май ойида республика бўйича 18 492 та никоҳ ҳолатлари қайд этилган.

Ҳудудлар кесимида қайд этилган никоҳлар сони бўйича Фарғона вилояти етакчилик қилмоқда – 2347 та ҳолат. Кейинги ўринлардан мос равишда 1876 та ва 1730 та никоҳ кузатилган Тошкент шаҳри ҳамда Андижон вилояти жой олди.

Ушбу кўрсаткич қолган ҳудудларда қуйидагича кўриниш олди: 

Тошкент вилояти – 1714 та; 
Қашқадарё вилояти – 1600 та;
Самарқанд вилояти – 1584 та; 
Сурхондарё вилояти – 1522 та; 
Наманган вилояти – 1349 та;  
Қорақалпоғистон Р. – 987 та;  
Хоразм вилояти – 950 та; 
Бухоро вилояти – 940 та; 
Жиззах вилояти – 729 та;  
Навоий вилояти – 644 та;  
Сирдарё вилояти – 520 та.

Бундан олдин 3 ойда энг кўп никоҳ ҳолатлари Самарқанд вилоятида қайд этилгани хабар берилганди.