Танзила Норбоева БМТ бош котиби биринчи ўринбосарини қабул қилди
Жорий йил 8 июнь куни Сенат раиси Танзила Норбоева Бирлашган миллатлар ташкилоти бош котиби биринчи ўринбосари Амина Муҳаммад билан учрашди.
Сенат хабарига кўра, мулоқот давомида икки томонлама ҳамкорлик алоқалари, БМТнинг барқарор ривожланиш мақсадларига эришиш доирасида Ўзбекистонда амалга оширилаётган ишлар, парламентлараро ҳамкорлик, хотин-қизларни қўллаб-қувватлаш, улар ижтимоий-иқтисодий имкониятларини кенгайтириш, давлат ва жамият ҳаётидаги иштирокини янада фаоллаштириш ҳамда яна бир қатор муҳим масалалар муҳокама қилинди.
Мулоқот аввалида Сенат раиси меҳмонни қутлаб, амалга оширилаётган кенг кўламли ислоҳотлар, яхши қўшничилик алоқалари, хотин-қизларни қўллаб-қувватлаш доирасида яратилаётган шарт-шароитлар, инсон ҳуқуқларини ҳимоя қилиш, одам савдоси ва мажбурий меҳнатга қарши курашиш, қонунчиликни такомиллаштириш борасида олиб борилаётган ишлар ва натижалар билан таништирди.
Мулоқот жараёнида 2021 йилнинг 23-24 июнь кунлари Бухоро шаҳрида барқарор ривожланиш мақсадларига эришишда парламентлараро глобал ҳамкорлик масалаларига бағишланган халқаро форум ўтказилганига ҳам тўхталиб ўтилди.
Амина Муҳаммад сўнгги йилларда Ўзбекистонда юз бераётган ижобий ўзгаришларга тўхталиб, ушбу ҳолатлар халқаро доирада кенг эътироф этилаётганини айтиб ўтди. Хотин-қизларни қўллаб-қувватлаш борасида Ўзбекистон Марказий Осиё минтақасида етакчи сифатида фаол иш олиб бораётганини алоҳида қайд этиб ўтди.
Шундан сўнг томонлар амалга оширилган ишлар билан бирга, келгусидаги режаларни ҳам муҳокама қилди.
Мавзуга оид
09:02
БМТ оккупацияда украиналиклар қийноққа солингани бўйича янги далилларни топди
21:48 / 24.09.2024
БМТ бош котиби сунъий интеллект дунёни бўлиб юбориши хавфидан огоҳлантирди
11:20 / 23.09.2024
Зеленский Ню-Йоркка БМТ Бош ассамблеясида иштирок этиш учун келди
09:10 / 23.09.2024