Мактабгача таълим вазирлиги ахборот хизматининг хабар беришича, зарба оқибатида боғча ҳамширасининг боши чап чакка соҳасида эзилиб йиртилган.
Тиббий хулосага кўра, ҳамширанинг жароҳати соғликни қисқа (олти кундан ортиқ, аммо йигирма бир кундан кўп бўлмаган) муддатга бузилишига олиб келиши, шунинг учун оғирлик даражасига кўра «енгил соғликнинг бузилишига сабаб бўлган тан жароҳатлари» гуруҳига кириши қайд этилган.
Ҳолат юзасидан 2 июнь куни Қўшработ тумани ИИБ ҳузуридаги Тергов бўлими томонидан Жиноят кодексининг 109-моддаси 2-қисми билан жиноят иши қўзғатилган. Тергов ҳаракатлари олиб борилмоқда.
Мактабгача таълим вазирлиги боғчада вақтинчалик раҳбарлик лавозими юклатилган методист Ч.А. билан меҳнат шартномасини бекор қилган.
