“Ўзбекистон аҳолисини ижтимоий ҳимоя қилиш стратегиясини тасдиқлаш тўғрисида”ги президент фармони қабул қилинди.
Фармон билан аҳолини ижтимоий ҳимоя қилишнинг устувор йўналишлари белгиланди. Ижтимоий хизматларни аҳолига бевосита маҳалла даражасида кўрсатиш амалиёти жорий этилади.
Қуйидагилар тасдиқланди: Ўзбекистон аҳолисини ижтимоий ҳимоя қилиш стратегияси ҳамда унинг мақсадли кўрсаткичлари, стратегияни 2022-2023 йилларда амалга ошириш бўйича “Йўл харитаси”.
2023 йил 1 мартгача давлат томонидан кафолатланган ва бепул тақдим этиладиган минимал ижтимоий хизматлар рўйхати шакллантирилади. 2023 йил 1 июлгача кафолатланган ва бепул тақдим этиладиган минимал ижтимоий хизматларни кўрсатиш стандартлари тасдиқланади.
