Навоий кўчасининг бир қисми ёпилди

Тошкент шаҳрида Навоий кўчасининг бир қисми ёпилди. Бу ҳақда пойтахт ҳокимлиги хабар бермоқда.

Қайд этилишича, Навоий шоҳкўчасида йўл қурилиши ишлари олиб борилмоқда.

Шу сабабли, 14 август соат 20:00 дан ишлар якунлангунига қадар ушбу кўчанинг Абай кўчаси билан кесишмасидан Хадра майдони Фурқат кўчасигача бўлган қисми ёпилади.

Ҳайдовчилардан айланма йўллардан фойдаланиш сўралган.