Ўзбекистонга импорт мебел энг кўп қаердан олиб келинаётгани маълум бўлди

2022 йил январ-июл ойларида Ўзбекистон 51 та хорижий давлатлардан қиймати 70,6 млн АҚШ долларига тенг бўлган мебел ва унинг қисмларини импорт қилган.

Давлат статистика қўмитаси маълумотларига кўра, мебел ва унинг қисмлари импорти ҳажми ўтган йил мос даври билан солиштирилганда қарийб 21 млн АҚШ долларига ошган. 

Ўзбекистон 2022 йил 7 ойида мебел ва унинг қисмларини энг кўп импорт қилган давлатлар орасида Корея етакчилик қилмоқда – 23,5 млн доллар.

Ушбу кўрсаткич қолган давлатлар кесимида қуйидагича кўриниш олди:

• Туркия – 16,8 млн;
• Хитой – 13,8 млн;
• Россия – 7,1 млн;
• Италия – 1,3 млн;
• Қозоғистон – 1,2 млн;
• Беларус – 829 млн;
• Полша – 370 минг;
• Германия – 594 минг АҚШ доллари.