Тошкент шаҳрида Сенат ўттиз иккинчи ялпи мажлиси бошланди. Ялпи мажлисда сенаторлар Сенат раиси ўринбосари тўғрисидаги масалани кўриб чиқди.
Аманбай Оринбаев
Сенаторлар Қорақалпоғистон Республикаси Жўқорғи Кенгеси раиси Аманбай Оринбаевни Сенат раиси ўринбосарлигига сайлади.
9 сентябр куни халқ депутатлари маҳаллий кенгашлари қўшма мажлисида Жўқорғи Кенгес раиси Аманбай Оринбаев Сенат аъзоси этиб сайланганди.
Аманбай Оринбаев август ойи охирида Қорақалпоғистон Жўқорғи Кенгеси раиси этиб тасдиқланди.
У бунгача Ички ишлар вазирлиги тизимида турли лавозимларда ишлаган, 2022 йил март ойидан июль ойигача Қорақалпоғистон ички ишлар вазири, кейинроқ Қорақалпоғистон Вазирлар Кенгаши раисининг Оролбўйи экологияси ва ривожланиши масалалари бўйича биринчи ўринбосари лавозимларида ишлаб келган.
