20 ва ундан кичик ёшда фарзандли бўлган аёллар сони тўғрисида маълумот берилди.
Фото: Давлат статистика қўмитаси
2022 йил январ-июл ойларида Ўзбекистонда 20 ва ундан кичик ёшда фарзандли бўлган аёллар сони 46 173 нафарни ташкил этган.
Давлат статистика қўмитаси маълумотларига кўра, ҳудудлар кесимида қайд этилган 20 ва ундан кичик ёшда биринчи марта фарзандли бўлган аёллар сони энг кўп Самарқанд вилоятида кузатилди – 7 282 нафар.
Ушбу кўрсаткич қолган ҳудудлар кесимида қуйидагича кўриниш олди:
- Фарғона вилояти – 6 307 нафар;
- Андижон вилояти – 4 941 нафар;
- Наманган вилояти – 4 647 нафар;
- Қашқадарё вилояти – 4 323 нафар;
- Сурхондарё вилояти – 3 702 нафар;
- Тошкент вилояти – 3 387 нафар;
- Тошкент шаҳри – 3 214 нафар;
- Бухоро вилояти – 2 070 нафар;
- Жиззах вилояти – 1 608 нафар;
- Қорақалпоғистон Р. – 1 403 нафар;
- Хоразм вилояти – 1 289 нафар;
- Сирдарё вилояти – 1 010 нафар;
- Навоий вилояти – 990 нафар.
