Қўшимча функционаллар
-
Тунги кўриниш
Ўзбекистон | 16:29 / 19.10.2022
4114
1 дақиқада ўқилади
Тошкентда «Нексия-3» ва мотоцикл тўқнашиши оқибатида бир киши шифохонага ётқизилди
Фото: ИИББ ахборот хизмати
Чилонзор туманида “Нексия-3” ва мотоцикл иштирокида йўл-транспорт ҳодисаси содир бўлди. Тошкент шаҳар ИИББ Йўл ҳаракати хавфсизлиги бошқармаси ҳолат юзасидан расмий маълумот берди.
Қайд этилишича, 2022 йил 19 октябрь куни соат 13:30 ларда Тошкент шаҳар Чилонзор тумани Чилонзор кўчасида 1987 йилда туғилган ҳайдовчи бошқарувидаги “Нексия-3” русумли автомашинаси ҳамда 2002 йилда туғилган ҳайдовчи бошқарувидаги мотоцикл иштирокида йўл-транспорт ҳодисаси содир бўлган.
Ҳодиса оқибатида мотоцикл ҳайдовчиси тан жароҳатлари билан шифохонага ётқизилган.
Ҳолат юзасидан Тошкент шаҳар ИИББ ЙҲХБ ходимлари томонидан суриштирув ишлари олиб борилмоқда.
