Тошкент вилояти автомобил йўллари ҳудудий бош бошқармаси бўлим бошлиғи пора билан қўлга тушди

Фото: Бош прокуратура департаменти

Тошкент вилоятида тадбиркорнинг 500 долларини қўлга киритмоқчи бўлган бўлим бошлиғи ушланди, деб хабар бермоқда Бош прокуратура департаменти.

Департамент ва ДХХнинг Тошкент вилояти бошқармалари томонидан Нурафшон шаҳрида ўтказилган тезкор тадбирда, вилоят автомобиль йўллари ҳудудий бош бошқармаси бўлим бошлиғи Ф.А. «Т.М.» оилавий корхонасига тегишли иккита савдо дўконининг техник шарт ҳужжатларини расмийлаштириб бериш эвазига корхона раҳбари Ж.Ш.дан 500 долларни фирибгарлик билан олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.