Қўшимча функционаллар
-
Тунги кўриниш
Божхона қўмитаси раиси 5 нафар ходимни ишдан бўшатди ва тергов органларига топширди
Давлат божхона қўмитаси раиси Акмал Мавлонов ҳузурида навбатдаги хизмат йиғилиши бўлиб ўтди.
Фото: KUN.UZ
Қўмита хабарига кўра, унда шахсан раис томонидан бир неча бор огоҳлантиришларга қарамасдан, тизимда ҳанузгача коррупцияга қўл ураётган ходимлар учраётгани танқид остига олинди.
Тошкент вилояти божхона бошқармаси “Ойбек” чегара божхона постида жорий йил июнь-сентябрь ойларида олиб борилган тезкор ўрганиш ишлари натижасида, олиб чиқилиши тақиқланган товарлар ортилган юк автотранспорт воситаларини ҳужжатларда гўёки бўш ҳолатда дея кўрсатган ҳолда олиб чиқилганига доир факт ва далиллар аниқланган.
Йиғилишда ДБҚ раиси мазкур ҳолат юзасидан божхона органлари томонидан жиноят иши қўзғатилганини маълум қилди.
“Ойбек” чегара божхона пости бошлиғи ўринбосари ва 3 нафар ходими шу куннинг ўзида божхона органларидан бўшатилди ва тергов органларига топширилди.
“Тошкент-АЭРО” ихтисослаштирилган божхона комплекси “Тошкент халқаро аэропорти” чегара-божхона постида аниқланган товар-моддий бойликларни ноқонуний олиб киришга уриниш ҳолати ҳам танқид остига олинди. Мазкур пост смена бошлиғи ҳам божхона органларидан бўшатилди.
Божхона органлари тезкор тузилмалари томонидан Фарғона вилоятида аниқланган навбатдаги салбий ҳолатда эса товарларни “реэкспорт” қилмасдан, ички ҳудудда олиб қолинишига шароит яратиб берган ходимлар танқид қилинди. Ҳолатга алоқадор “Қўқон” ТИФ божхона пости 1 нафар ходими божхона органларидан бўшатилди ва ҳолатга алоқадор бир қатор ходимлар интизомий жазога тортилди.
Мавзуга оид
17:40 / 14.11.2024
Бухоро амирлиги даврига тегишли қадимий тангаларни олиб чиқиб кетишга уринган шахс тўхтатиб қолинди
23:41 / 13.11.2024
Ўзбекистонга 245 млн сўмлик қўл соатлар ва заргарлик буюмларини яширинча олиб ўтишга уринган шахслар тўхтатилди
17:56 / 06.11.2024
Тезкор қидирув тадбирлари тизимининг техник воситалари бождан озод қилинди
12:37 / 05.11.2024