Киев ғарбни замонавий қуроллар етказиб бериш бўйича тақиқни олиб ташлашга чақирди

Украина президенти маъмурияти ғарбни Киевга замонавий қурол-яроғ етказиб бериш бўйича эътирозларни имкон қадар тезроқ кечиктиришга ва хусусан, Американинг Patriot зенит-ракета комплекслари, ATACMS баллистик ракеталари, Германиянинг Leopard танкларини тақдим этишга чақирди.

Фото: AP

«Patriot? Leopard? ATACMS? Россиянинг муҳим инфратузилмага ҳар бир зарбаси, миллионлаб украиналикларни электр ва сувсиз қолдириши иттифоқчилар замонавий қурол-яроғларни етказиб бериши бўйича тақиқни олиб ташлаши керак. Жазосизлик ўзбошимчаликни келтириб чиқаради. Тажовузкор ҳар бир кейинги қадамнинг нархини ўзи ҳис қилиши керак», — деб ёзди Twitter’да Украина президенти девони раҳбарининг маслаҳатчиси Михайло Подоляк.

Бундан олдин Украинага қурол етказиб беришдан очиқчасига бош тортаётган баъзи давлатлар бу ишни махфий қилаётгани ҳақида хабарлар тарқалганди.

Украина ташқи ишлар вазири Дмитрий Кулебанинг айтишича, Украинага қурол етказиб беришдан очиқчасига бош тортаётган айрим давлатлар буни яширинча амалга оширмоқда. Украина ҳамкорлари учинчи давлатлар билан музокараларда қатнашиб, бунга кўмаклашмоқда.

«Ушбу учинчи давлатларнинг аксарияти ҳеч нарса етказиб бермаётганини очиқчасига айтишади, бироқ ҳаммаси парда ортида содир бўлмоқда», — деди Кулеба Франциянинг Le Parisien газетасига берган интервюсида.

Украинага қурол етказиб беришдан бош тортаётган мамлакатлар орасида масалан, Швейцария ва Исроил бор. Июн ойида Швейцария ўзида ишлаб чиқарилган эҳтиёт қисмларидан ясалган қуролларни Украинага етказиб беришга рухсат берди. Исроил ҳукумати АҚШ босими остида Украина учун баъзи «стратегик материаллар»ни етказиб беришни молиялаштирмоқда.

#қурол #Киев