Оқибатда йўловчи поезд қарийб тўрт соат ҳаракатлана олмаган ва Тошкентга белгиланган вақтдан кечикиб етиб келган.
Ижтимоий тармоқларда Термиз-Тошкент йўналишида ҳаракатланаётган йўловчи поезди темирйўл линиясида чироқ ўчиб қолгани учун бир неча соатга кечикаётгани айтилган хабарлар тарқалди. «Ўзтемирйўлйўловчи» АЖ ҳолатни тасдиқлади.
Маълум бўлишича, 2022 йил 9 декабр куни Термиз бекатидан жўнаган 79-сонли “Термиз — Тошкент” йўловчи поезди "Жарқўргон – Қумқўрғон" ва "Қумқўрғон – Бойсун" перегонида электр энергиянинг ўчгани сабабли 3 соат 40 дақиқа тўхтаб қолган.
Тармоққа электр энергияси етказиб берилгач поезд йўлда давом этган ва Тошкент шаҳрига ўз вақтидан 2 соат 10 дақиқага кечикиб келган.
«Йўловчиларга келтирилган ноқулайликлар учун узр сўраймиз», дейилади «Ўзтемирйўлйўловчи» АЖ хабарида.