Қарши шаҳрида қозонхона портлади

Портлаш оқибатида қозонхонанинг томи қулаб тушган.

Фото: ФВВ ахборот хизмати

Қарши шаҳри “Гунгон” МФЙ ҳудудида жойлашган кўп қаватли уйларни иситиш учун мўлжалланган қозонхонада газ-ҳаво аралашмаси портлаган.

ФВВ ахборот хизматининг хабар беришича, ҳодиса 2023 йил 11 январ куни соат 21:25 ларда содир бўлган.

Портлаш оқибатида ёнғин содир бўлмаган. Қозонхонанинг енгил конструкция усулида қопланган том қисми қулаб тушган. Ҳодисада ҳеч ким тан жароҳати олмаган.

Воқеа жойига зудлик билан вилоят ФВБ раҳбарияти, Қарши шаҳар сектор раҳбарлари, шаҳар ФВБ бошлиғи ҳамда бошқа масъул ташкилотлар ходимлари етиб борган.

Қайд этилишича, ҳозирда мутасадди идора вакиллари томонидан қозонхонани тиклаш ишлари олиб борилмоқда.