Ўзбекистон ва Япония савдо ва инвестициявий ҳамкорликни оширишни муҳокама қилди

ТИВ раҳбарининг ўринбосари ва Япония элчиси музокаралар чоғида икки томонлама савдо ва инвестициявий ҳамкорлик ҳажмини оширишга алоҳида эътибор қаратди.

Фото: Dunyo

Ўзбекистон ташқи ишлар вазирининг ўринбосари Баҳром Аълоев Япония элчиси Такаши Хаторини қабул қилди.

Учрашувда сиёсий, парламентлараро, маданий-ҳуманитар соҳаларда қўшма дастурларни амалга ошириш ҳамда Ўзбекистон-Япония мулоқотининг истиқболлари кўриб чиқилди.

Иқтисодий дипломатияни ривожлантириш, жумладан, савдо ва инвестициявий ҳамкорлик ҳажмини ошириш имкониятларига алоҳида эътибор қаратилди.

Турли шаклдаги бўлажак мулоқотлар жадвали юзасидан фикр алмашилди.