Тошкентда автобус ва "Кобальт" тўқнашиб кетди

Олмазор туманида автобус ва "Кобальт" иштирокида йўл-транспорт ҳодисаси содир бўлди. Бу ҳақда Тошкент шаҳар ИИББ ЙҲХБ Ахборот хизмати хабар қилди.

Фото: ИИББ ЙҲХБ

Жорий йилнинг 7 май куни соат 13.50 ларда Олмазор тумани Келес йўли - Сағбон кўчалари кесишган чорраҳада йўл-транспорт ҳодисаси содир бўлган.

1985 йилда туғилган Б.С. бошқарувида бўлган Saz Le-60 русумли автобус ҳамда 1974 йилда туғилган З.З. бошқарувида бўлган "Кобальт" русумли автомашина иштирокида йўл-транспорт ҳодисаси кузатилган.

ЙТҲ оқибатида иккала ҳайдовчи тан жароҳати олган.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.