Қўшимча функционаллар
-
Тунги кўриниш
АҚШ президентлигига номзод Пенс Украинани қўллаб-қувватлади
Агар сайловда ғалаба қозонса, республикачи Майк Пенс Киевга ҳарбий ёрдамни давом эттиришга тайёр. Украина Россияни мағлуб этиши керак, деди у.
АҚШ собиқ вице-президенти, республикачи Майк Пенс президентликка сайланса, Россия агрессиясини қайтаришда Украинага ҳарбий ёрдам беришда давом этишини айтди. «Биз Украинадаги одамларга жанг қилиш имкониятини беришимиз керак», деди у 7 июнь, чоршанба куни Американинг CNN телекомпанияси эфирида фуқаролар билан суҳбатда.
Шу билан бирга, Пенс ўзининг собиқ раҳбари, АҚШ собиқ президенти Доналд Трамп билан қарама-қаршиликка борди, у Россиянинг Украинага бостириб киришини изоҳлар экан, Россия президенти Владимир Путинни «даҳо» деб атаганди.
«Мен даҳо аслида қандай одам бўлиши кераклигини ва Украинадаги урушда ким ғалаба қозониши кераклигини биламан – булар Украинада ўз озодлиги ва миллий суверенитетини тиклаш учун курашаётган одамлардир», — деди Пенс.
Аввалроқ Майк Пенс Республикачилар партиясидан АҚШ президентлигига номзодини қўйишини расман эълон қилган эди. Худди шу партиядан Доналд Трамп ҳам президентликка қайта сайланишга интилмоқда. Пенс 2017 йилдан 2021 йилгача Трампнинг Оқ уйда муовини лавозимида ишлаган, бироқ улар ҳозирда мураккаб муносабатларга эга.
Россия-Украина уруши
