ХДП волонтёрлик гуруҳлари Улуғбек Иноятовнинг сайловолди дастурини тарғиб қиляпти

Тарғибот ишлари махсус шохобчаларда ҳам фаол олиб борилмоқда.

Ўзбекистон Халқ демократик партияси фаолларидан иборат волонтёрлик гуруҳлари партиядан президентликка номзод Улуғбек Иноятовнинг дастурини кенг тарғиб қилиш бўйича тарғибот-ташвиқот ишларини фаол олиб бормоқда.

Хусусан, республиканинг барча ҳудудларида махсус шохобчалар ташкил этилган бўлиб, номзод дастуридаги муҳим таклиф ва ташаббуслар мазмун-моҳияти сайловчиларга тушунтирилиб, тарғибот воситалари тарқатилмоқда.

Шу билан бирга, партия фуқароларни сайловда фаол бўлишга чақирган.

Ўзбекистон Халқ демократик партияси матбуот хизмати