Жорий йил битирувчиларининг тугатган таълим муассасаси маълумоти тегишли вазирликлардан олинади

Таълим муассасаси томонидан тегишли маълумотлар базага киритилганидан сўнг абитуриентлар тугатган таълим муассасаси маълумотларини янгилаб олиши мумкин.

Фото: Kun.uz

My.uzbmb.uz сайтида онлайн рўйхатдан ўтишда таълим муассасасини тугатган йили сифатида 2022 йилгача бўлган йилларни танлаш мумкин. Бунда 2023 йил чиқмайди.

«Таълим назорати» канали хабарига кўра, жорий йил битирувчиларининг тугатган таълим муассасаси маълумотлари улар таҳсил олган таълим муассасаси қайси вазирлик тасарруфида бўлса, мазкур вазирликнинг базасидан реал вақт режимида олинади.

Айрим таълим муассасалари томонидан ўз битирувчилари тўғрисидаги маълумотлар тўлиқ шакллантирилмагани сабабли абитуриентлар онлайн рўйхатдан ўтган вақтда уларнинг тугатган таълим муассасаси маълумотлари чиқмаяпти.

Шундай ҳолатда абитуриентлар тугатган таълим муассасаси маълумотларини киритмасдан, ўзлари таҳсил олган таълим муассасаси (мактаб, лицей, касб-ҳунар мактаби)га мурожаат қилиши керак.

Таълим муассасаси томонидан тегишли маълумотлар базага киритилганидан сўнг абитуриентлар «Тугатган таълим муассасаси» бўлимидан «Янгилаш» тугмасини босиш орқали тугатган таълим муассасаси маълумотларини янгилаб олиши мумкин.

Тайёрлаган Отабек Матназаров

#битирувчи #таълим

2022/23 ўқув йили учун ихтисослашган ва президент мактаблари, коллежлар, техникумлар, бакалавриат ва магистратурага қабул ҳамда ўқишни кўчириш бўйича янгиликлар.