Имтиёзли тоифага кирувчи беморларга тиббий ёрдам кўрсатиш учун 600 млрд сўм ажратилади

Қарор билан тасдиқланадиган низом бандлари Ўзбекистон Соғлиқни сақлаш вазирлиги тизимидаги давлат ва нодавлат тиббиёт муассасаларига Ўзбекистон давлат бюджети маблағлари ҳисобига тиббий ёрдам кўрсатиш учун беморларни йўллаш ва тиббиёт муассасаларида тиббий ёрдам кўрсатиш тартибини белгилайди.

Имтиёзли тоифага кирувчи беморларга республика даражасидаги тиббиёт ташкилотларида тиббий ёрдам кўрсатиш учун Ўзбекистон давлат бюджети маблағлари ҳисобидан 600 млрд сўмга яқин маблағ ажратиш кўзда тутилган бўлиб, унда Ўзбекистон давлат бюджети маблағларини самарали тақсимланади.

Бундан ташқари, республика даражасидаги тиббиёт муассасалари тиббий танлов комиссиялари томонидан икки иш куни мобайнида бемор ҳақидаги маълумотлар ўрганилиб, тиббий танлов комиссияси раиси хулосасига биноан беморнинг тиббиёт муассасасига қабул қилиш санаси ҳамда ташхислаш ва даволаш стандартларига асосланган тиббий хизматлар пакети белгиланган ҳолда вилоят тиббиёт ташкилотларига юборилиши ҳамда вилоят даражасидаги тиббиёт ташкилотлари томонидан беморга тиббий хизмат қиймати кўрсатилган ҳамда матрицали штрих код (QR-код)га эга бўлган йўлланмаларни берилиши белгиланади.