Президент сайловида 376 мингдан ортиқ киши муддатидан олдин овоз берди

Марказий сайлов комиссияси Ўзбекистон Президенти сайловида муддатидан олдин овоз бериш натижалари тўғрисидаги ахборотни эълон қилди.

МСК маълумотига кўра, 1 июль ҳолатида жами 376 623 нафар сайловчилар мамлакатда ва хорижда муддатидан олдин овоз бериш ҳуқуқларидан фойдаланди.

Шундан мамлакат ҳудудида 275 592 нафар ва хорижда 101 031 нафар сайловчи овоз берди.

Муддатидан олдин овоз бериш жараёни жорий йил 5 июлга қадар давом этади.

Ўзбекистоннинг хориждаги дипломатик ва бошқа ваколатхоналари ҳузурида 56 та сайлов участкаси ташкил этилган.

#президент #сайлов

Ўзбекистонда 2023 йил 9 июл куни муддатидан илгари президенти сайлови бўлиб ўтади. Янгиланган Конституцияга кўра, президент ваколат муддати ҳозирги 5 йилдан 7 йилга оширилган.