Ўзбекистон президенти сайловида муддатидан олдин овоз бериш жараёни якунланди

Муддатидан олдин овоз бериш учун 10 784 та, жумладан мамлакатнинг 39 та чет давлатлардаги дипломатик ва бошқа ваколатхоналари ҳузурида 56 та сайлов участкалари ташкил этилди.

Фото: Kun.uz

Жорий йилнинг 28 июнь – 5 июль кунлари Ўзбекистон президенти сайловида муддатидан олдин овоз бериш жараёни бўлиб ўтди.

Марказий сайлов комиссияси маълумотига кўра, 1 июль ҳолатида муддатидан олдин овоз бериш имкониятидан 376 623 киши фойдаланди. Улардан 101 031 нафари хорижда овоз берган.

Муддатидан олдин овоз бериш учун 10 784 та, шу жумладан мамлакатнинг 39 та чет давлатлардаги дипломатик ва бошқа ваколатхоналари ҳузурида 56 та сайлов участкалари ташкил этилди.

Тайёрлаган Отабек Матназаров

#президент #сайлов

Ўзбекистонда 2023 йил 9 июл куни муддатидан илгари президенти сайлови бўлиб ўтади. Янгиланган Конституцияга кўра, президент ваколат муддати ҳозирги 5 йилдан 7 йилга оширилган.