Тожикистон президенти Эмомали Раҳмон Суғд вилоятига ташриф буюриб, Хўжандда балиқчилик тармоғи билан танишди.
Фото: Тожикистон президенти ахборот хизмати
Asia-Plus хабарига кўра, давлат раҳбари Сирдарёга бир миллион балиқ чавоғини қўйиб юборди. Улар Бобожон Ғофуров туманидаги «Тожик балиқ корпорацияси»га қарашли сув ҳавзаларида етиштирилган оқ амур, оқ дўнгбош ва зоғорабалиқ экани айтилмоқда.
Қайд этилишича, Суғд вилоятида 63 та балиқчилик хўжалиги рўйхатга олинган бўлиб, балиқ етиштириш учун мўлжалланган сув ҳавзаларининг умумий майдони 685 гектарни ташкил этади.
Хўжанд шаҳридан оқиб ўтувчи Сирдарё тахминан 30 км масофадан кейин Ўзбекистон ҳудудига киради.
